బన్నీని మైమరిపించిన ఫోటోగ్రాఫర్

సినిమాల్లో కలిసి పనిచేసిన టెక్నీషియన్లలో ఎవరి పనితనమైనా బాగా నచ్చితే హీరోలు మంచి కాంప్లిమెంట్ ఇస్తారు. ఓపెన్ గా ఓ రెండు మంచి మాటలు చెబుతారు. కానీ అల్లు అర్జున్ మాత్రం ఈ విషయంలో డిఫరెంట్. తన లేటెస్ట్ మూవీ నా పేరు సూర్య.. నా ఇల్లు ఇండియా కోసం పనిచేసిన ఫొటోగ్రాఫర్ పనితీరు అద్భుతంగా ఉందంటూ పొగిడేశాడు. సోషల్ మీడియాలో అతడి పనితనాన్ని ప్రశంసిస్తూ ఫొటాతో సహా షేర్ చేశాడు.

బన్నీని ఇంతగా మైమరిపించిన ఆ ఫొటోగ్రాఫర్ పేరు రోహన్ శ్రేష్ట. అతడితో కలిసి పనిచేసిన అనుభవాన్ని పంచుకోవాలని ఉందంటూ అల్లు అర్జున్ ప్రత్యేకంగా ఓ పోస్టు పెట్టాడు ‘‘నా పేరు సూర్య మూవీ ఫొటో షూట్ అతడితో కలిసి పనిచేశాడు. ఈ క్రాఫ్ట్ పై అతడికున్న కమాండ్ చూసి అమేజింగ్ అనిపించింది. మెరుపు వేగం.. బెస్ట్ క్వాలిటీ రెండూ అతడిలో ఉన్నాయి. అదో రేర్ కాంబినేషన్. నేను దేశంలో చాలామంది టాప్ ఫొటోగ్రాఫర్లతో పనిచేశాను. వాళ్లలో ఈ యంగ్ జంటిల్ మేన్ బెస్ట్. ఇంతటి బ్రిలియంట్ టాలెంట్ ఉన్నవాళ్లతో పనిచేయడం ఆనందంగా ఉంది. ఫ్యూచర్ లోనూ అతడితో కలిసి పనిచేస్తాను’ అంటూ రోహన్ శ్రేష్టకు బన్నీ కితాబు ఇచ్చాడు.

ఈ పోస్ట్ తోపాటు నాపేరు సూర్య మూవీ కోసం చేసిన ఫొటో షూట్ లో ఓ బ్లాక్ అండ్ వైట్ ఫొటో షేర్ చేశాడు. ఈ లుక్ లో బన్నీ సూపర్ గా ఉన్నాడు. ఇంతవరకు బన్నీ చాలామందితో కలిసి పని చేసినా ఈ రేంజిలో పొగిడింది తక్కువ. అతడిని ఈ రేంజిలో ఇంప్రెస్ చేశాడు కాబట్టి బన్నీ తన నెక్స్ట్ సినిమాకు రోహన్ తోనే పనిచేస్తాడు. ఫిక్సయిపోవచ్చు.