`మెగా`బావ పై బావ‌మ‌రిది ప్ర‌శంస‌లు!

విల‌క్ష‌ణ ద‌ర్శ‌కుడు సుకుమార్, మెగా ప‌వ‌ర్ స్టార్ రామ్ చరణ్ కాంబోలో తెర‌కెక్కిన‌ ‘రంగస్థలం’ నేడు విడుద‌లై పాజిటివ్ టాక్ తెచ్చుకున్న సంగ‌తి తెలిసిందే. లోక‌ల్ తో పాటు ఓవ‌ర్సీస్ లో కూడా ఈ సినిమాపై హిట్ టాక్ రావ‌డం విశేషం. ఈ చిత్రంపై, ప్ర‌త్యేకించి చ‌ర‌ణ్ న‌ట‌నపై ప్ర‌శంస‌లు వెల్లువెత్తుతున్నాయి. ముఖ్యంగా 1985 నాటి గ్రామీణ వాతావ‌ర‌ణాన్ని, పరిస్థితులను సుకుమార్ ప్ర‌జెంట్ చేసిన తీరుకు ప్రేక్ష‌కులు ఫిదా అయిపోయారు. ఆ నేప‌థ్యానికి త‌గ్గ‌ట్లు న‌టీన‌టులంద‌రూ న‌టించి మెప్పించ‌డంతో రంగ‌స్థ‌లం ప్రేక్ష‌కుల‌ను ఆక‌ట్టుకుంటోంది. తాజాగా, రంగ‌స్థ‌లంపై, చ‌ర‌ణ్ న‌ట‌న‌పై ‘మెగా’ యువహీరో అల్లు శిరీష్ స్పందించాడు.

టాలీవుడ్ లో సోష‌ల్ మీడియాలో యాక్టివ్ గా ఉండే సెల‌బ్రిటీల‌లో అల్లు శిరీష్ ఒక‌డు. త‌న మూవీస్ తో పాటు మెగా ఫ్యామిలీ, ఇత‌ర యువ హీరోల‌కు సంబంధించిన మూవీస్ పై శిరీష్ సోష‌ల్ మీడియాలో స్పందిస్తుంటాడు. తాజాగా, రంగ‌స్థ‌లంలో రామ్ చ‌ర‌ణ్ ప‌ర్ ఫార్మ‌న్స్ పై శిరీష్ ఓ ట్వీట్ చేశాడు. ``‘రంగ..రంగా..రంగస్థలానానానానానా!!! రంగస్థలం గురించి, మరి ప్రత్యేకంగా చెప్పాలంటే మా ఆర్ సీ (రామ్ చరణ్) గురించి సూపర్ డూపర్ రిపోర్ట్స్ వింటున్నాను. ఈ రోజు రాత్రి సినిమాకు వెళ్తున్నాను..’ అని శిరీష్ త‌న బావ న‌ట‌న‌ను పొగుడుతూ ట్వీట్ చేశాడు. ప్ర‌స్తుతం ఈ ట్వీట్ సోష‌ల్ మీడియాలో వైర‌ల్ అయింది.