బాలీవుడ్ గ్రేట్ డైరెక్ట‌ర్.. రాశిఖ‌న్నాకు విల‌న్‌

క‌మ‌ర్షియ‌ల్ స‌క్సెస్ ల‌ను కాకుండా కంటెంటునే ప్రామాణికంగా తీసుకుంటే ఈ త‌రం గ్రేట్ డైరెక్ట‌ర్ల‌లో ఒక‌డిగా నిలుస్తాడు అనురాగ్ కశ్య‌ప్. హిట్ట‌యినా.. ఫ్లాపైనా అత‌డి ప్ర‌తి సినిమా ఆణిముత్య‌మే. అనురాగ్ తీసిన చాలా సినిమాల‌కు అంత‌ర్జాతీయ స్థాయి గుర్తింపు ల‌భించింది. విశేషం ఏంటంటే.. క‌శ్య‌ప్ కేవ‌లం ద‌ర్శ‌కుడు కాదు. మంచి న‌టుడు కూడా. క్యాడ్బ‌రీ షాట్స్ యాడ్లో అత‌డి యాక్టింగ్ భ‌లేగా ఉంటుంది. ఈ మ‌ధ్యే మురుగ‌దాస్ సినిమా ‘అకీరా’లో నెగెటివ్ క్యారెక్ట‌ర్లో చిత‌గ్గొట్టేశాడు క‌శ్య‌ప్. ఈ రోల్ త‌ర్వాత క‌శ్య‌ప్ కు న‌టుడిగా మంచి మంచి అవ‌కాశాలే వ‌స్తున్న‌ట్లు స‌మాచారం.

తాజాగా అనురాగ్ క‌శ్య‌ప్ కు ఓ త‌మిళ సినిమాలో విల‌న్ రోల్ ద‌క్కింది. ఆ సినిమా పేరు.. ‘ఇమైక్కా నోడిగ‌ల్‌’. తెలుగులోకి కూడా అనువాద‌మైన‌ డిమాంటి కాల‌నీ అనే హార్ర‌ర్ మూవీతో ద‌ర్శ‌కుడిగా ప‌రిచ‌య‌మైన అజ‌య్ జ్నాన‌ముత్తు ఈ థ్రిల్ల‌ర్ మూవీని డైరెక్ట్  చేస్తున్నాడు. దీని గురించి అనురాగ్ చెబుతూ.. ‘‘ఇప్పుడు నేను రుద్ర‌ను. న‌య‌న‌తార‌.. అధ‌ర్వ న‌టిస్తున్న నెయిల్ బిట్టింగ్ త‌మిళ  థ్రిల్ల‌ర్ ‘ఇమైక్కా నోడిగ‌ల్’ సినిమాలో న‌టిస్తున్నా’’ అని ట్వీట్ చేశాడు. విశేషం ఏంటంటే ఈ సినిమాలో టాలీవుడ్ బ్యూటీ రాశీ ఖ‌న్నా మ‌రో క‌థానాయికగా న‌టిస్తోంది. దీంతో పాటు త‌మిళంలో సిద్ధార్థ్ మూవీ ‘సైతాన్ కా బచ్చా’లోనూ అవ‌కాశం ద‌క్కించుకుంది రాశి.

Like Us on Facebook : https://www.facebook.com/Tupakidotcom/