మెగాస్టార్ చిరంజీవి కెరీర్లో అత్యంత ప్రతిష్టాత్మకంగా తెరకెక్కుతున్న సినిమా ‘సైరా నరసింహారెడ్డి’. దీని కోసం అదిరిపోయే కాంబినేషన్ సెట్ చేసింది చిత్ర బృందం. కానీ వాళ్లు అనుకున్న కాంబినేషన్ వర్కవుట్ కావట్లేదు. ముందుగా ఈ సినిమా నుంచి లెజెండరీ కెమెరామన్ తప్పుకున్నాడు. ఆ తర్వాత లెజెండరీ మ్యూజిక్ డైరెక్టర్ ఎ.ఆర్.రెహమాన్ కూడా ఈ సినిమా నుంచి తప్పుకుంటున్నట్లుగా ప్రచారం జరిగింది. ఈ సంగతి నిజమే అని ఇప్పుడు రూఢి అయిపోయింది. స్వయంగా రెహమానే తాను ఈ సినిమా చేయలేకపోతున్నానని స్పష్టం చేశాడు. మ్యూజికల్ కన్సర్ట్ కోసం హైదరాబాద్‌ వచ్చిన రెహమాన్.. ఓ ఇంటర్వ్యూలో భాగంగా ఈ విషయాన్ని వెల్లడించాడు.
‘‘సైరా స్క్రిప్టు విన్నాను. చాలా బాగుంది. నాకు బాగా నచ్చింది. పైగా చిరంజీవి నా అభిమాన కథానాయకుడు. కానీ సమయం అనుకూలించడం లేదు. అందుకే ఆ ప్రాజెక్టు చేయలేకపోతున్నాను. అంత మంచి సినిమాకు చేయలేకపోతున్నందుకు చాలా బాధపడుతున్నాను. ఎప్పట్నుంచో చిరంజీవి సినిమాకు చేయాలని ఉన్నా కుదరట్లేదు’’ అని రెహమాన్ తెలిపాడు. తెలుగు సినీ పరిశ్రమతో తనకు గొప్ప అనుబంధం ఉందని.. తాను సంగీత దర్శకుడిగా మారడానికి ముందు ఈ ఇండస్ట్రీ తననెంతో ప్రోత్సహించిందని రెహమాన్ చెప్పాడు. రమేష్ నాయుడు దగ్గర్నుంచి రాజ్-కోటి వరకు ఎందరో ఉద్ధండుల దగ్గర తాను సంగీతంలో మెలకువలు నేర్చుకున్నానని.. రాజ్-కోటిలను తన పెద్దన్నల్లాగా భావిస్తానని రెహమాన్ అన్నాడు. తెలుగు సంగీత దర్శకుల్లో తాను విశ్వనాథ్‌ ను ఆరాధిస్తానని చెప్పాడు.
‘‘సైరా స్క్రిప్టు విన్నాను. చాలా బాగుంది. నాకు బాగా నచ్చింది. పైగా చిరంజీవి నా అభిమాన కథానాయకుడు. కానీ సమయం అనుకూలించడం లేదు. అందుకే ఆ ప్రాజెక్టు చేయలేకపోతున్నాను. అంత మంచి సినిమాకు చేయలేకపోతున్నందుకు చాలా బాధపడుతున్నాను. ఎప్పట్నుంచో చిరంజీవి సినిమాకు చేయాలని ఉన్నా కుదరట్లేదు’’ అని రెహమాన్ తెలిపాడు. తెలుగు సినీ పరిశ్రమతో తనకు గొప్ప అనుబంధం ఉందని.. తాను సంగీత దర్శకుడిగా మారడానికి ముందు ఈ ఇండస్ట్రీ తననెంతో ప్రోత్సహించిందని రెహమాన్ చెప్పాడు. రమేష్ నాయుడు దగ్గర్నుంచి రాజ్-కోటి వరకు ఎందరో ఉద్ధండుల దగ్గర తాను సంగీతంలో మెలకువలు నేర్చుకున్నానని.. రాజ్-కోటిలను తన పెద్దన్నల్లాగా భావిస్తానని రెహమాన్ అన్నాడు. తెలుగు సంగీత దర్శకుల్లో తాను విశ్వనాథ్‌ ను ఆరాధిస్తానని చెప్పాడు.