ఈ ఏడాది బాలీవుడ్ సినిమాల పరిస్థితి దయనీయంగా ఉంది. డబ్బింగ్ సినిమా ‘బాహుబలి: ది కంక్లూజన్’ ముందు హిందీ సినిమాలు నిలవలేకపోయాయి. సల్మాన్ ఖాన్ సినిమా ‘ట్యూబ్ లైట్’.. షారుఖ్ ఖాన్ మూవీ ‘జబ్ హ్యారీ మెట్ సెజాల్’ సహా.. భారీ అంచనాల మధ్య వచ్చిన చాలా సినిమాలు నిరాశ పరిచాయి. సరైన హిట్ లేక బాలీవుడ్ వెలవెలబోతోంది. ఐతే రాబోయే ఐదు నెలల్లో రానున్న కొన్ని క్రేజీ మూవీస్ మీద బాలీవుడ్ ఆశలు పెట్టుకుంది. ఆ సినిమాల్లో ‘బాద్షాహో’ ఒకటి. నెలన్నర కిందట రిలీజైన ఈ చిత్ర టీజర్ సెన్సేషన్ క్రియేట్ చేసింది. సినిమాపై అంచనాల్ని ఒక్కసారిగా పెంచేసింది.
ఇప్పుడు ‘బాద్షాహో’ ట్రైలర్ లాంచ్ చేశారు. అది కూడా ప్రేక్షకుల్ని విశేషంగా ఆకట్టుకుంటోంది. ఎమర్జెన్సీ కాలంలో ప్రభుత్వ ఖజానా నుంచి తరలుతున్న భారీ నిధిని కొల్లగొట్టే ఓ ముఠా కథతో తెరకెక్కిన సినిమా ఇది. కళ్లు చెదిరే యాక్షన్ దృశ్యాలతో ఉత్కంఠ రేపేలా ఉన్న ట్రైలర్ వావ్ అనిపిస్తోంది. ప్రేక్షకులకు మంచి థ్రిల్ ఇచ్చే సినిమాలా కనిపిస్తోంది ‘బాద్షాహో’. యాక్షన్ కు తోడు.. ఎంటర్టైన్మెంట్.. రొమాన్స్ కూడా బాగానే దట్టించినట్లున్నారు. ప్రధాన పాత్రధారుల గెటప్స్.. వాళ్ల నటన కూడా ఆకట్టుకుంటున్నాయి. డైలాగులు కూడా భలేగా పేలాయి. అజయ్ దేవగన్.. ఇమ్రాన్ హష్మి.. ఇలియానా.. ఈషా గుప్తా.. విద్యుత్ జమాల్ కీలక పాత్రలు పోషించారు. ‘వన్స్ అపాన్ ఎ టైమ్ ఇన్ ముంబయి’.. ‘డర్టీ పిక్చర్’ లాంటి సినిమాలు తీసిన మిలన్ లూథ్రియా దర్శకత్వం వహించాడు. సెప్టెంబరు 1న ఈ చిత్రం ప్రేక్షకుల ముందుకు రానుంది.
Full View
ఇప్పుడు ‘బాద్షాహో’ ట్రైలర్ లాంచ్ చేశారు. అది కూడా ప్రేక్షకుల్ని విశేషంగా ఆకట్టుకుంటోంది. ఎమర్జెన్సీ కాలంలో ప్రభుత్వ ఖజానా నుంచి తరలుతున్న భారీ నిధిని కొల్లగొట్టే ఓ ముఠా కథతో తెరకెక్కిన సినిమా ఇది. కళ్లు చెదిరే యాక్షన్ దృశ్యాలతో ఉత్కంఠ రేపేలా ఉన్న ట్రైలర్ వావ్ అనిపిస్తోంది. ప్రేక్షకులకు మంచి థ్రిల్ ఇచ్చే సినిమాలా కనిపిస్తోంది ‘బాద్షాహో’. యాక్షన్ కు తోడు.. ఎంటర్టైన్మెంట్.. రొమాన్స్ కూడా బాగానే దట్టించినట్లున్నారు. ప్రధాన పాత్రధారుల గెటప్స్.. వాళ్ల నటన కూడా ఆకట్టుకుంటున్నాయి. డైలాగులు కూడా భలేగా పేలాయి. అజయ్ దేవగన్.. ఇమ్రాన్ హష్మి.. ఇలియానా.. ఈషా గుప్తా.. విద్యుత్ జమాల్ కీలక పాత్రలు పోషించారు. ‘వన్స్ అపాన్ ఎ టైమ్ ఇన్ ముంబయి’.. ‘డర్టీ పిక్చర్’ లాంటి సినిమాలు తీసిన మిలన్ లూథ్రియా దర్శకత్వం వహించాడు. సెప్టెంబరు 1న ఈ చిత్రం ప్రేక్షకుల ముందుకు రానుంది.