బాహుబలికి భయపడని బాబొక్కడే

బాహబలి ది కంక్లూజన్ ఈ నెల 28న రిలీజ్ అని ముందే అనౌన్స్ చేసేశారు. దీంతో ఆ సినిమాకి పోటీగా వచ్చేందుకు ఏ సినిమాలు ధైర్యం చేయని పరిస్థితి. తెలుగులోనే కాదు.. ఇతర రాష్ట్రాల్లో కూడా ఇదే సిట్యుయేషన్. బాహుబలి2కి రెండు వారాల ముందు.. మూడు వారాల వెనుక.. ఎక్కడా సినిమా షెడ్యూల్ చేసుకోవడం లేదు.

స్టార్ హీరోల సినిమాలు కూడా ఓ అడుగు వెనక్కి వేసిన ఇప్పటికే కనిపించింది. అయితే.. ఒక బాబు మాత్రం బాహుబలిని లెక్క చేయనంటున్నాడు. బాబు బాగా బిజీ అంటున్న శ్రీనివాస్ అవసరాల.. బాహుబలి2తో పోటీకి సై అంటున్నారు. బాబు బాగా బిజీ మూవీని మే  5న విడుదల చేసేందుకు రెడీ అవుతున్నారట మేకర్స్. బాహుబలి2 సునామీని తట్టుకుని నిలబడే శక్తి.. తమ బాబుకి ఉందని వీరి కాన్ఫిడెంట్ గా తెలుస్తోంది. ఒక్క వారం గ్యాప్ లో రావడం అంటే సాహసం అని తెలిసినా.. ఏ మాత్రం తడబడకుండా డేట్ చెప్పేస్తుండడం విశేషం.

బాబు బాగా బిజీ ట్రైలర్ ఇప్పటికే సెన్సేషన్స్ క్రియేట్ చేసింది. హిందీ ఒరిజినల్ హంటర్ ను మించి రొమాన్స్ పండించేశారనే విషయం అర్ధమవుతూనే ఉంది. సెక్స్ కామెడీ జోనర్ లో తెరకెక్కిన ఈ చిత్రం.. టాలీవుడ్ లో మంచి సక్సెస్ సాధించడం ఖాయం అనే అంచనాలు ఉన్నాయి.

Like Us on Facebook : https://www.facebook.com/Tupakidotcom/