చైసామ్‌ ఫ్యాన్స్‌ కు బ్యాడ్‌ న్యూస్‌

నాగచైతన్య... సమంత కలిసి ఇప్పటి వరకు చేసిన సినిమాలు ప్రేక్షకాధరణ పొందాయి. ఆటో నగర్‌ సూర్య మినహా అన్ని కూడా కమర్షియల్‌ గా మంచి సక్సెస్‌ అయ్యాయి. గత ఏడాది వచ్చిన మజిలీ చిత్రంతో ఇద్దరికి కూడా మంచి సక్సెస్‌ దక్కింది. వీరి కాంబోలో ఏడాదికి ఒక సినిమాను ప్రేక్షకులు కోరుకుంటున్నారు. ఈ ఏడాది కూడా వీరిద్దరి కాంబోలో ఒక సినిమా ఉండే అవకాశం ఉందంటూ ప్రచారం జరిగింది. కొన్ని రోజుల క్రితం నందిని రెడ్డి దర్శకత్వంలో వీరిద్దరు కలిసి ఒక సినిమా చేయబోతున్నట్లుగా వార్తలు వచ్చాయి.

సమంత ప్రధాన పాత్రలో నటించబోతున్న నందిని రెడ్డి చిత్రంలో కీలక పాత్రలో నాగచైతన్య కనిపించబోతున్నాడని ప్రచారం జరిగింది. సమంత కోసం నాగచైతన్య ఆ సినిమాను చేసేందుకు సిద్దమయ్యాడని అన్నారు. కాని తాజాగా సినీ వర్గాల్లో అందుతున్న సమాచారం ప్రకారం నందిని రెడ్డి సినిమాను నాగచైతన్య కాదన్నాడట. చైతూ ప్రస్తుతం చేస్తున్న లవ్‌ స్టోరీ పూర్తి అయిన వెంటనే విక్రమ్‌ కుమార్‌ దర్శకత్వంలో సినిమాకు కమిట్‌ అయ్యాడు. ఆ సినిమా షూటింగ్‌ కారణంగా నందిని రెడ్డి మూవీలో చైతూ నటించలేనన్నాడట.

ఈ అక్కినేని జంట మరోసారి కలిసి నటిస్తే చూడాలనుకున్న ఫ్యాన్స్‌ కు ఇది బ్యాడ్‌ న్యూస్‌. ఇప్పుడు కాకున్నా మళ్లీ వీరిద్దరి కాంబోలో సినిమా ఉంటుందని ఫ్యాన్స్‌ నమ్మకంగా ఉన్నారు. నందిని రెడ్డి సినిమాలో చైతూ లేకున్నా విక్రమ్‌ కుమార్‌ తన సినిమాలో హీరోయిన్‌ గా సమంతను ఎంపిక చేస్తే బాగుండు అంటూ అక్కినేని ఫ్యాన్స్‌ కోరుకుంటున్నారు. వీరిద్దరు కలిసి విక్రమ్‌ దర్శకత్వంలో ఇప్పటికే మనం చిత్రాన్ని చేశారు. ఆ సినిమా సెన్షేషనల్‌ సక్సెస్‌ అయ్యింది. అందుకే సెంటిమెంట్‌ గా కూడా బాగా కలిసి వస్తుందని చైతూ సినిమాలో సమంతను ఎంపిక చేయాలంటూ విక్రమ్‌ కు విజ్ఞప్తి చేస్తున్నారు.