సినిమా తీయడానికి డబ్బు ఉంటే సరిపోతుంది .. కానీ దానిని ప్రేక్షకుల ముందుకు తీసుకుని వెళ్లాలంటే మాత్రం అనుభవం కావాలి. ఏ సినిమాకైనా అది థియేటర్లలోకి వచ్చే సమయం చాలా ముఖ్యం. కథాకథనాలు బాగానే ఉన్న చాలా సినిమాలు వేళగాని వేళలో వచ్చి వెల్లకిల్లా పడిపోయిన సందర్భాలు చాలానే ఉన్నాయి. ఎంత ఖర్చుపెట్టినా కంటెంట్ ఉన్న సినిమాలే థియేటర్లలో ఓ నాలుగు రోజులు ఉంటాయి. అదే నిర్మాత తెలివైనవాడైతే ఉన్న అవకాశాలను ఉపయోగించుకుని, మరింత వసూళ్లు రాబట్టుకోవడానికి ప్రయత్నిస్తాడు.
ప్రస్తుతం 'అఖండ' నిర్మాత మిర్యాల రవీందర్ రెడ్డి అదే పనిలో ఉన్నారు. బోయపాటి దర్శకత్వంలో బాలకృష్ణ కథానాయకుడిగా క్రితం నెల 2వ తేదీన ఈ సినిమాను విడుదల చేశారు. తొలి ఆటతోనే హిట్ టాక్ తెచ్చుకున్న ఈ సినిమా రికార్డు స్థాయి వసూళ్లను నమోదు చేసింది. చాలా కాలం తరువాత థియేటర్ల దగ్గర జాతర వాతావరణాన్ని చూపించింది. అసలు మొదటి నుంచి కూడా ఈ సినిమాను సంక్రాంతికి విడుదల చేయాలనే ఆలోచనలో బాలకృష్ణ ఉన్నారు. అయితే అప్పటికి సంక్రాంతి బరిలో ఉన్న సినిమాలుగా 'ఆర్ ఆర్ ఆర్' .. 'భీమ్లా నాయక్' .. 'రాధేశ్యామ్' .. 'సర్కారువారి పాట' పేర్లు వినిపిస్తున్నాయి.
ఈ నేపథ్యంలో ఆలసించినా ఆశాభంగం అన్నట్టుగా 'అఖండ' డిసెంబర్ లోనే థియేటర్లకు వచ్చింది. బిజినెస్ పరంగా ఈ సినిమా అందరికీ మంచి లాభాలను తెచ్చిపెట్టింది. ఇప్పుడు 'అఖండ' వేడి కూడా చల్లబడింది .. ఈ నెల 21న ఈ సినిమా ఓటీటీ ద్వారా పలకరించడం కూడా ఖాయమైపోయింది. అయితే ఇప్పుడు సంక్రాంతి బరిలో 'బంగార్రాజు' సినిమా తప్ప చెప్పుకోదగిన సినిమాలేవీ బరిలో లేకపోవడంతో, ఈ అవకాశాన్ని ఉపయోగించుకోవడానికి నిర్మాత మిర్యాల రవీందర్ రెడ్డి రంగంలోకి దిగిపోయారు. 'అఖండ' సంక్రాంతి సంబరాలు పేరుతో ఈవెంట్ ప్లాన్ చేశారు. బ్లాక్ బస్టర్ ఇచ్చినందుకు థ్యాంక్స్ చెబుతూనే, ఈ సినిమా ఇంకా థియేటర్లలో ఉందనే విషయాన్ని గుర్తుచేస్తున్నార్తు.
ఇది డబుల్ సక్సెస్ మీట్ అనీ .. ఫ్యాన్స్ ను ఇబ్బంది పెట్టకూడదనే ఉద్దేశంతోనే వాళ్లకి ముందుగా చెప్పలేదని బోయపాటి అన్నారు. ఈ సినిమా డబ్బుతో పాటు ధైర్యాన్ని ఇచ్చిందనీ, అందరి హీరోల అభిమానులను సంతృప్తి పరిచిన అరుదైన ఘనత ఈ సినిమా సొంతం చేసుకుందని చెప్పారు. ఇక ఈవెంట్ లో బాలకృష్ణ సంప్రదాయ దుస్తుల్లో సందడి చేశారు. ఆయన మాట్లాడుతూ, డిసెంబర్ అనేది సినిమాలకి అసలు సీజన్ కానే కాదు, అయినా 'అఖండ' విడుదలై అనూహ్యమైన విజయాన్ని సాధించిందని అన్నారు. సంక్రాంతి వరకూ ఈ సినిమా సక్సెస్ జోరును కొనసాగించడం విశేషమనీ, ప్యాన్ వరల్డ్ సినిమా అనిపించుకుందని చెప్పారు.
అయితే ఈ సినిమా మరో వారం రోజుల్లో 50 రోజులు పూర్తిచేసుకోనుండగా .. మరో వారం రోజుల్లో ఓటీటీలో రానుండగా .. ఇప్పుడు సంక్రాంతి పేరుతో మళ్లీ సందడి చేయడానికి ప్రయత్నించడం కాస్త అసందర్భంగానే అనిపిస్తుంది. ఇలా పండగ అడ్వాంటేజ్ ను తీసుకుని, మళ్లీ ఈ సినిమా థియేటర్ల దిశగా జనాలను నడిపించడానికీ .. మరి కొన్ని రోజులు థియేటర్ల నుంచి మరిన్ని వసూళ్లను రాబట్టడానికి మిర్యాల రవీందర్ రెడ్డి వేసిన స్కెచ్ ఎంతమేరకు సక్సెస్ అవుతుందనేది చూడాలి మరి.
ప్రస్తుతం 'అఖండ' నిర్మాత మిర్యాల రవీందర్ రెడ్డి అదే పనిలో ఉన్నారు. బోయపాటి దర్శకత్వంలో బాలకృష్ణ కథానాయకుడిగా క్రితం నెల 2వ తేదీన ఈ సినిమాను విడుదల చేశారు. తొలి ఆటతోనే హిట్ టాక్ తెచ్చుకున్న ఈ సినిమా రికార్డు స్థాయి వసూళ్లను నమోదు చేసింది. చాలా కాలం తరువాత థియేటర్ల దగ్గర జాతర వాతావరణాన్ని చూపించింది. అసలు మొదటి నుంచి కూడా ఈ సినిమాను సంక్రాంతికి విడుదల చేయాలనే ఆలోచనలో బాలకృష్ణ ఉన్నారు. అయితే అప్పటికి సంక్రాంతి బరిలో ఉన్న సినిమాలుగా 'ఆర్ ఆర్ ఆర్' .. 'భీమ్లా నాయక్' .. 'రాధేశ్యామ్' .. 'సర్కారువారి పాట' పేర్లు వినిపిస్తున్నాయి.
ఈ నేపథ్యంలో ఆలసించినా ఆశాభంగం అన్నట్టుగా 'అఖండ' డిసెంబర్ లోనే థియేటర్లకు వచ్చింది. బిజినెస్ పరంగా ఈ సినిమా అందరికీ మంచి లాభాలను తెచ్చిపెట్టింది. ఇప్పుడు 'అఖండ' వేడి కూడా చల్లబడింది .. ఈ నెల 21న ఈ సినిమా ఓటీటీ ద్వారా పలకరించడం కూడా ఖాయమైపోయింది. అయితే ఇప్పుడు సంక్రాంతి బరిలో 'బంగార్రాజు' సినిమా తప్ప చెప్పుకోదగిన సినిమాలేవీ బరిలో లేకపోవడంతో, ఈ అవకాశాన్ని ఉపయోగించుకోవడానికి నిర్మాత మిర్యాల రవీందర్ రెడ్డి రంగంలోకి దిగిపోయారు. 'అఖండ' సంక్రాంతి సంబరాలు పేరుతో ఈవెంట్ ప్లాన్ చేశారు. బ్లాక్ బస్టర్ ఇచ్చినందుకు థ్యాంక్స్ చెబుతూనే, ఈ సినిమా ఇంకా థియేటర్లలో ఉందనే విషయాన్ని గుర్తుచేస్తున్నార్తు.
ఇది డబుల్ సక్సెస్ మీట్ అనీ .. ఫ్యాన్స్ ను ఇబ్బంది పెట్టకూడదనే ఉద్దేశంతోనే వాళ్లకి ముందుగా చెప్పలేదని బోయపాటి అన్నారు. ఈ సినిమా డబ్బుతో పాటు ధైర్యాన్ని ఇచ్చిందనీ, అందరి హీరోల అభిమానులను సంతృప్తి పరిచిన అరుదైన ఘనత ఈ సినిమా సొంతం చేసుకుందని చెప్పారు. ఇక ఈవెంట్ లో బాలకృష్ణ సంప్రదాయ దుస్తుల్లో సందడి చేశారు. ఆయన మాట్లాడుతూ, డిసెంబర్ అనేది సినిమాలకి అసలు సీజన్ కానే కాదు, అయినా 'అఖండ' విడుదలై అనూహ్యమైన విజయాన్ని సాధించిందని అన్నారు. సంక్రాంతి వరకూ ఈ సినిమా సక్సెస్ జోరును కొనసాగించడం విశేషమనీ, ప్యాన్ వరల్డ్ సినిమా అనిపించుకుందని చెప్పారు.
అయితే ఈ సినిమా మరో వారం రోజుల్లో 50 రోజులు పూర్తిచేసుకోనుండగా .. మరో వారం రోజుల్లో ఓటీటీలో రానుండగా .. ఇప్పుడు సంక్రాంతి పేరుతో మళ్లీ సందడి చేయడానికి ప్రయత్నించడం కాస్త అసందర్భంగానే అనిపిస్తుంది. ఇలా పండగ అడ్వాంటేజ్ ను తీసుకుని, మళ్లీ ఈ సినిమా థియేటర్ల దిశగా జనాలను నడిపించడానికీ .. మరి కొన్ని రోజులు థియేటర్ల నుంచి మరిన్ని వసూళ్లను రాబట్టడానికి మిర్యాల రవీందర్ రెడ్డి వేసిన స్కెచ్ ఎంతమేరకు సక్సెస్ అవుతుందనేది చూడాలి మరి.