సంక్రాంతి సెంటిమెంట్ తో వరసగా మూడో సంవత్సరం బరిలో దిగుతున్న బాలకృష్ణ జైసింహ 12న విడుదల కోసం రంగం సిద్ధం చేసుకుంటోంది. మరో మూడు సినిమాలతో పోటీ తీవ్రంగానే ఉన్నప్పటికీ మాస్ కి కనెక్ట్ అయ్యే సినిమా ఇదేనని నందమూరి ఫాన్స్ నమ్మకంతో ఉన్నారు. బాలయ్య లాస్ట్ మూవీ పైసా వసూల్ రిజల్ట్ జైసింహ హైప్ పై ప్రభావం చూపుతోంది. పైగా దర్శకుడు కెఎస్ రవికుమార్ కు ఈ మధ్య కాలంలో ట్రాక్ రికార్డు అంత ఆశాజనకంగా లేదు. అందుకే సినిమాను వీలైనంత అలరించేలా చేయడానికి బాలయ్య తన వంతు ప్రయత్నం చేస్తున్నట్టు ఫిలిం నగర్ టాక్. సినిమా క్లైమాక్స్ లో చాలా కీలకంగా వచ్చే సన్నివేశాల్లో పొలిటికల్ పంచులు ఉండేలా కొన్ని మార్పులు చేయమని రచయిత ఎం రత్నంతో చెప్పి మరీ చేయించారట. గతంలో లెజెండ్ సినిమాలో ఇదే ఫార్ములా సక్సెస్ ఫుల్ గా వర్క్ అవుట్ చేసారు.
జైసింహ ట్రైలర్ కు స్పందన బాగానే ఉన్నప్పటికీ రొటీన్ గానే అనిపించింది అనే కామెంట్స్ కొందరి నుంచి వచ్చిన నేపధ్యంలో ఈసారి మరింత జాగ్రత్తగా అభిమానులను అలరించేలా మరో ట్రైలర్ రిలీజ్ చేయబోతున్నట్టు తెలిసింది. అందులో కొత్తగా జత చేసిన పంచు డైలాగులు కూడా ఉంటాయట. చిరంతన్ భట్ ట్యూన్స్ ఇప్పటికే మంచి టాక్ తెచ్చుకున్నాయి. పోటీ సంగతి ఎలా ఉన్నా గత రెండు సినిమాలు డిక్టేటర్ - గౌతమి పుత్ర శాతకర్ణి సినిమాలతో సంక్రాంతికి వరస హిట్లు అందుకున్న బాలయ్య జైసింహతో హ్యాట్రిక్ కొట్టడం ఖాయం అనే కాన్ఫిడెన్స్ తో ఉన్నారు. మరి కొత్త పంచులు జోడించడం నిజమో కాదో నిర్ధారణ లేదు కాని ఫాన్స్ మాత్రం జైసింహ పవర్ ఫుల్ యాక్షన్ ఎంటర్టైనర్ గా హిట్ కొడుతుంది అనే నమ్మకంతో ఉన్నారు.
జైసింహ ట్రైలర్ కు స్పందన బాగానే ఉన్నప్పటికీ రొటీన్ గానే అనిపించింది అనే కామెంట్స్ కొందరి నుంచి వచ్చిన నేపధ్యంలో ఈసారి మరింత జాగ్రత్తగా అభిమానులను అలరించేలా మరో ట్రైలర్ రిలీజ్ చేయబోతున్నట్టు తెలిసింది. అందులో కొత్తగా జత చేసిన పంచు డైలాగులు కూడా ఉంటాయట. చిరంతన్ భట్ ట్యూన్స్ ఇప్పటికే మంచి టాక్ తెచ్చుకున్నాయి. పోటీ సంగతి ఎలా ఉన్నా గత రెండు సినిమాలు డిక్టేటర్ - గౌతమి పుత్ర శాతకర్ణి సినిమాలతో సంక్రాంతికి వరస హిట్లు అందుకున్న బాలయ్య జైసింహతో హ్యాట్రిక్ కొట్టడం ఖాయం అనే కాన్ఫిడెన్స్ తో ఉన్నారు. మరి కొత్త పంచులు జోడించడం నిజమో కాదో నిర్ధారణ లేదు కాని ఫాన్స్ మాత్రం జైసింహ పవర్ ఫుల్ యాక్షన్ ఎంటర్టైనర్ గా హిట్ కొడుతుంది అనే నమ్మకంతో ఉన్నారు.