మెగాస్టార్ కొత్త 'లుక్'ను బాలయ్య కాపీ కొట్టేశాడా..?

టాలీవుడ్ అగ్ర హీరోలలో ఒకరు నందమూరి బాలకృష్ణ. 2010లో బోయపాటి అప్పటి వరకు చూడని లుక్‌లో, మేనరిజంలో నటసింహం బాలయ్యను ఆవిష్కరించాడు.‘చూడు ఒకవైపే చూడు.. రెండో వైపు చూడాలనుకోకు.. తట్టుకోలేవు.. మాడిపోతావ్’ అంటూ బాలయ్య చెప్పిన డైలాగుకు థియేటర్లు ఈలలు, గోలలతో మార్మోగిపోయాయి. ఆ ఒక్క హిట్టు బాలయ్య క్రేజ్‌ను మళ్లీ నిలబెట్టేసింది. కానీ ఆ తరవాత మళ్లీ బాలయ్య ఫామ్ తప్పింది. మళ్లీ ప్లాపులు. ఈ దెబ్బతో ఏడాది పాటు గ్యాప్ తీసుకున్నాడు. ఆ టైంలో మళ్లీ బోయపాటి రంగంలోకి దిగి ‘లెజెండ్’ తీసాడు.

2014లో లెజెండ్ బాక్సాఫీసు వద్ద కలెక్షన్ల వర్షం కురిపించింది. ఈ సినిమాలో బాలకృష్ణ రెండు వెరైటీ లుక్స్‌ లో కనిపించాడు. తాజాగా బోయపాటి - బాలయ్య సినిమా టీజర్‌ను మంగళవారం సాయంత్రం ప్రేక్షకుల ముందుకు తీసుకొచ్చారు. అసలు ఈ టీజర్‌లో బాలకృష్ణ లుక్ చూస్తుంటే ఫ్యాన్స్‌ కు పూనకాలే. తెల్లని పంచెకట్టులో బాలయ్య చాలా కొత్తగా కనిపిస్తున్నాడు. మొన్నటి ‘రూలర్’ లుక్‌కి.. ఇప్పుడు బోయపాటి సినిమాలో లుక్‌కి అసలు పోలిక లేదు. అంత బాగా మార్చేశాడు బోయపాటి. ఆ పంచెకట్టులో ఫైట్ సీన్ అయితే గూస్‌బంప్స్ అంతే.

ఇదిలా ఉండగా మెగాస్టార్ ఆచార్య తర్వాత మలయాళం లూసిఫర్ సినిమాను రీమేక్ చేస్తున్నాడు. అయితే ఆ సినిమాలో మలయాళ స్టార్ మోహన్ లాల్ కూడా తెల్ల చొక్కా.. పంచెకట్టులో అలరించాడు. ఆ లుక్ లో మెగాస్టార్ ని చూడాలని అందరూ అనుకున్నారు. అయితే లూసిఫర్ లుక్.. బాలయ్య న్యూ లుక్ ఒకేలా ఉన్నాయి. ఇక బాలకృష్ణ లూసిఫర్ లుక్ కాపీ కొట్టాడని.. అదే గెటప్ అని కామెంట్స్ చేస్తున్నారు. మరి బాలయ్య లుక్ లాగే మెగాస్టార్ లూసిఫర్ లో చేస్తారా.. లేక మార్పులు చేస్తారా చూడాలి! మొత్తానికి బోయపాటి అయితే బాలయ్యను మాసివ్ గా చూపడంలో సక్సెస్ అయ్యాడు.