మోక్ష‌జ్ఞ ఎంట్రీపై బోయ‌పాటి-బాల‌య్య రియాక్ష‌న్ ఇది!

నంద‌మూరి వార‌సుడు మోక్ష‌జ్ఞ ఎంట్రీ పై అదిగో పులి..ఇదిగో తోక అన్న చందంగా ప్ర‌చారం త‌ప్ప ఇంత వ‌ర‌కూ ఎంట్రీ ఇచ్చింది లేదు. ఆ ద‌ర్శ‌కుడు లాంచ్ చేస్తున్నాడంట...ఈ నిర్మాత రంగంలోకి దిగుతున్నాడంట‌? అంటూ ఊక దంపుడే త‌ప్ప‌! ఇంత‌వ‌ర‌కూ ఎంట్రీ ఇచ్చింది లేదు. ఇలా మోక్ష‌జ్ఞ ఎంట్రీ ఆల‌స్య‌మ‌వ్వ‌డం స‌హా..అత‌ని శ‌రీరంలో కొన్ని ర‌కాల మార్పులు కూడా అత‌నికి సినిమాలంటే ఆస‌క్తి లేద‌ని...వ్యాపారాల్లో బిజీ అయ్యే అవ‌కాశం ఉంద‌ని బ‌మ‌లైన‌ ప్ర‌చారమే తెర‌పైకి వ‌చ్చింది.

అయితే మోక్ష‌జ్ఞ ఎంట్రీ వెనుక  అస‌లేం జ‌రుగుతుంన్నది ఆ క‌టుంబ స‌బ్యులు మాత్రం ఏనాడు రివీల్ చేసింది లేదు. ఈమౌనంతో బాల‌య్య వార‌స‌త్వాన్ని కొనసాగిస్తాడా?  లేదా? అని ఫిలిం స‌ర్కిల్స్ లో సైతం హాట్ టాపిక్ గా మారింది.

తాజాగా గోవాలో జ‌రుగుతోన్న 53వ అంత‌ర్జాతీయ చ‌ల‌న చిత్రోత్సావాల్లో భాగంగా ద‌ర్శ‌కుడు బోయ‌పాటి మాట‌ల్ని బ‌ట్టి  నంద‌మూరి వార‌సుడు ఎంట్రీపై  కొంత వ‌ర‌కూ క్లారిటీ వ‌చ్చింది.

ఆ స‌మ‌యంలో బాల‌కృష్ణ బోయ‌పాటి పక్క‌నే కూర్చున్నారు. మోక్ష‌జ్ఞ‌ని మీరే లాంచే చేస్తారా? అని ప్ర‌శ్నించ‌గా బోయ‌పాటి ఆశాభావం వ్య‌క్తం చేసారు. కానీ మోక్ష‌జ్ఞ‌ని ఎప్పుడు ఎలా లాంచ్ చేయాల‌న్న‌ది ఆ కుటుంబానికి ఓ ప్లాన్ ఉంటుంది. అత‌నికి  ఏ ద‌ర్శ‌కుడు సెట్ అవుతాడు?  అత‌ని ఇమేజ్ కి..బాడీ లాంగ్వేజ్ కి ఎలాంటి  క‌థ సెట్ అయితే  అత‌నే  లాంచ్ చేస్తాడు?   నేనే లాంచ్ చేస్తాన‌ని గ్యారెంటీగా చెప్ప‌లేను.

ఆ టైమ్ వ‌చ్చిన‌ప్పుడు ఎంట్రీ అలా జ‌రిగిపోతుంది. అంతా దైవేశ్చ‌. ఆ  దేవుడి అనుగ్ర‌హం లేనిదే ఏం జ‌ర‌గ‌దు. ఆ స‌మ‌యం రావాలి. అప్ప‌టివ‌ర‌కూ మ‌న‌మంతా వెయిట్ చేయాలి అంటూ  మోక్ష‌జ్ఞ ఎంట్రీ పై  ఓ క్లారిటీ ఇచ్చారు.  

ఈసంద‌ర్భంలో  బాల‌య్య  పెదాల‌పై చిరున‌వ్వు త‌ప్ప‌..ఆయ‌న ఎలాంటి కామెంట్ చేయ‌లేదు. ప్ర‌స్తుతం బోయ‌పాటి రామ్ హీరోగా ఓ పాన్ ఇండియా చిత్రాన్ని తెర‌కెక్కిస్తోన్న సంగ‌తి తెలిసిందే. అలాగే బాల‌య్య 107వ సినిమా వీర‌సింహారెడ్డి సంక్రాంతి బ‌రిలోకి దిగుతున్నారు.