సైలెంట్ గా బ‌రిలోకి 'బంగార్రాజు'

కింగ్ నాగార్జున సైలెంట్ గానే రంగంలోకి దిగేస్తున్నాడా? ... మిగ‌తా సినిమాల‌తో గ‌ట్టి పోటీ వుంటుంద‌ని తెలిసినా ఖ‌చ్చితంగా పోటీలో నేను కూడా వుండాల్సిందే అని ఫిక్స‌య్యాడా? .. అంటే తాజా ప‌రిణామాల‌ని బ‌ట్టి చూస్తే నిజ‌మ‌నే సంకాతాలు వినిపిస్తున్నాయి. వివ‌రాల్లోకి వెళితే.. కింగ్ నాగార్జున న‌టిస్తున్న తాజా చిత్రం `బంగార్రాజు`. క‌ల్యాణ్ కృష్ణ ద‌ర్శ‌క‌త్వం వ‌హిస్తున్నాడు. జీ స్టూడియోస్‌తో క‌లిసి అన్న‌పూర్ణ స్టూడియోస్ బ్యాన‌ర్‌పై నాగార్జున ఈ చిత్రాన్ని నిర్మిస్తున్నారు.

నాగ‌చైత‌న్య‌, `ఉప్పెన‌` ఫేమ్ కృతిశెట్టి జంట‌గా న‌టిస్తున్నారు. 2016లో వ‌చ్చిన `సోగ్గాడే చిన్నినాయ‌న‌`కు ప్రీక్వెల్‌ గా ఈ మూవీని రూపొందిస్తున్నారు. నాగ్ ని 50 కోట్ల క్ల‌బ్ లో చేర్చ‌డంతో ఈ సినిమా ప్రీక్వెల్ పై కూడా భారీ అంచ‌నాలు పెట్టుకున్నారు. అందుకే ఈ సినిమా విష‌యంలో నాగ్ ఎక్క‌డా త‌గ్గ‌డం లేదు. సోగ్గాడే చిన్నినాయ‌న‌` చిత్రాన్ని సంక్రాంతి బ‌రిలో దింపి బ్లాక్ బ‌స్ట‌ర్‌ని సొంతం చేసుకున్న నాగార్జున ఈ ఏడాది `బంగార్రాజు`తో ఆ సెంటిమెంట్ ని రిపీట్ చేయాల‌నే ఆలోచ‌న‌లో వున్నారు.

అందుకే ఈ చిత్రాన్ని సైలెంట్ గా పూర్తి చేస్తూ సంక్రాంతి బ‌రిలో దింపాల‌ని ప్లాన్ చేస్తున్నార‌ని తెలుస్తోంది. ప్ర‌స్తుతం ఈ మూవీ షూటింగ్ మైసూర్‌లో జ‌రుగుతోంది. ప‌లు కీల‌క స‌న్నివేశాల‌ని రాకెట్‌స్పీడుతో పూర్తి చేస్తున్నారు. వీలైనంత త్వ‌ర‌గా మూవీని కంప్లీట్ చేసి రిలీజ్ చేయాల‌నే ప‌ట్టుద‌ల‌తో వున్నార‌ట నాగార్జున‌. మ‌రి ఆయ‌న అనుకున్న‌ట్టుగానే `బంగార్రాజు` సైలెంట్ గా సంక్రాంతి బ‌రిలోకి వ‌చ్చేస్తుందా? .. లేదా అన్న‌ది తెలియాలంటే మ‌రి కొన్ని రోజులు వేచి చూడాల్సిందే.