నాని-లావణ్య త్రిపాఠి జంటగా మారుతి దర్శకత్వంలో 'భలే భలే మగాడివోయ్‌' తెరకెక్కుతున్న సంగతి తెలిసిందే. ఈ సినిమా పోస్టర్లు ఇప్పటికే యూత్‌ ని ఆకట్టుకున్నాయి. శనివారం సాయంత్రం ఆడియో రిలీజ్ కి రంగం సిద్ధమవుతోంది. ఈలోగానే టెస్టింగుకి ఓ 30సెకన్ల టీజర్‌ ని ఆన్‌ లైన్‌ లో రిలీజ్ చేశారు.
ఈ టీజర్‌ కిక్కు పెంచేలా ఉంది. యువతరాన్ని, మాస్‌ ని ఆకట్టుకునే టింజ్‌ ఉంది ఇందులో. నాని, లావణ్య మాస్‌ స్టెప్స్‌ కి విజిల్స్‌ పడడం ఖాయం. భలె భలె అంటూ టైటిల్‌ ట్రాక్‌ ని పెప్పీగా సిద్ధం చేశారు. నానికి 'ఎవడే సుబ్రహ్మణ్యం' తర్వాత మరో హిట్టు అవసరం. మారుతిని నమ్మి అవకాశం ఇచ్చాడు. అతడిపై ఉంచిన నమ్మకం నిజం చేస్తున్నాడనే అనిపిస్తోంది. ముఖ్యంగా ఈ టీజర్‌ చూస్తుంటే నాని స్టెప్పుల్లో స్పీడ్‌ పెరిగిందనిపిస్తోంది. అలాగే లావణ్య త్రిపాఠి మునుపెన్నడూ కనిపించనంత గ్లామరస్‌ గా కనిపిస్తోంది.
ఇంతకాలానికి యూత్‌ కి ఏం కావాలో? ఎలా కనిపిస్తే కిక్కొస్తుందో లావణ్యకి తెలిసొచ్చినట్టుంది. నానికి, మారుతికి, లావణ్యకి ఈ సినిమా ఓ పెద్ద బ్రేక్‌ ఇస్తుందేమో చూడాలి. యు.వి.క్రియేషన్స్‌ తో కలిసి గీతా ఆర్ట్స్‌ సంస్థ ఈ చిత్రాన్ని నిర్మిస్తోంది.