భ‌లే మంచి రోజ‌ని మ‌హేష్ బావ!

మ‌హేష్ అన‌గానే ఆయ‌న అభిమానులకి ఎలా పూన‌కం వ‌చ్చేస్తుంటుందో బావ సుధీర్‌ బాబు కూడా అదే విధంగా ఎక్సైట్ అయిపోతుంటాడు. ఆడియో ఫంక్ష‌న్ల‌ కు హాజ‌రైన‌ప్పుడు స్టేజీ పై ఫ‌క్తు మ‌హేష్ ఫ్యాన్‌ లా మాట్లాడేస్తుంటాడు సుధీర్‌. నిజంగా త‌న బావ మ‌హేష్ అంటే సుధీర్‌ కి అంత ఇష్టం. సొంత బావైనా స‌రే.. మ‌హేష్‌ ని ఓ అభిమాని క‌థానాయ‌కుడిలాగే ట్రీట్ చేస్తుంటాడు సుధీర్‌. అడిగితే త‌న సినిమాల్లో మ‌హేష్ త‌ప్ప‌కుండా న‌టిస్తాడు. కానీ సుధీర్‌బాబు మాత్రం ``మ‌హేష్ ఓ సూప‌ర్‌ స్టార్‌. త‌న స్థాయికి త‌గ్గ పాత్ర అనిపిస్తేనే త‌న‌ని సంప్ర‌దించాలి. కేవ‌లం ఏదో ప‌ది టిక్కెట్టు తెగుతాయ‌ని మ‌హేష్‌ ని అడ‌గ‌కూడ‌దు`` అంటుంటాడు. బావ ఇమేజ్ ఎప్పుడూ ఆ స్థాయిలో ఉండాల‌ని, త‌న కోసం కింద‌కి దిగ‌కూడ‌ద‌నేది సుధీర్  అభిప్రాయం. అందుకే మ‌హేష్‌ కి కూడా సుధీర్ అంటే ప్రేమ‌. త‌న టాలెంట్‌ ని చూసి మురిసిపోతుంటాడు మ‌హేష్‌.

మామూలుగా మ‌హేష్ పుట్టిన‌రోజు పండ‌గ వ‌చ్చేసిందంటే అభిమానుల‌తో ఫిల్మ్‌ న‌గ‌ర్ క‌ళ‌క‌ళ‌లాడిపోతుంటుంది. మ‌హేష్‌ కి విషెస్ చెప్పాల‌ని త‌హ‌త‌హ‌లాడుతుంటారు. ఆయ‌న ఊళ్లో లేక‌పోయినా స‌రే అభిమానులు మాత్రం మ‌హేష్ ఇంటికి వెళ్లి కాసేపు సంద‌డి చేసొస్తుంటారు. మ‌రి బావ మాత్రం ఊరుకొంటాడా?  మ‌హేష్ పుట్టిన‌రోజు భ‌లే మంచి రోజు క‌దా అంటూ త‌న సినిమా ఫ‌స్ట్‌ లుక్‌ ని వదిలాడు. శ్రీరామ్ ఆదిత్య ద‌ర్శ‌క‌త్వంలో సుధీర్ క‌థానాయ‌కుడిగా `భ‌లే మంచి రోజు` అనే చిత్రం తెర‌కెక్కుతోంది. ఓ థ్రిల్ల‌ర్ క‌థ‌ తో ఈ సినిమా రూపొందుతోంది. మ‌హేష్ పుట్టిన‌రోజును పుర‌స్క‌రించుకొని ఆయ‌నకి విషెస్ చెబుతూ త‌న సినిమా  ఫ‌స్ట్‌ లుక్‌ ని వ‌దిలాడు సుధీర్‌ బాబు. ఆ లుక్కు య‌మా ఇంట్రెస్టింగ్‌ గా ఉంది.