పవన్ కల్యాణ్ - రానా ప్రధానమైన పాత్రలను పోషిస్తున్న 'భీమ్లా నాయక్' .. షూటింగు పరంగా దాదాపు పూర్తి కావొచ్చింది. మలయాళంలో కొంతకాలం క్రితం వచ్చిన 'అయ్యప్పనుమ్ కోషియుమ్' సినిమాకి ఇది రీమేక్. సూర్యదేవర నాగవంశీ ఈ సినిమాకి నిర్మాతగా వ్యవహరిస్తున్నాడు. మలయాళంలో ప్రధానమైన పాత్రలు రెండూ కూడా ఇమేజ్ కి దూరంగా నడుస్తాయి. తెలుగు రీమేక్ విషయానికి వచ్చేసరికి, పవన్ కల్యాణ్ క్రేజ్ ను దృష్టిలో పెట్టుకుని, ఆ పాత్రని కాస్త హైలైట్ చేస్తున్నారు. అలా అని చెప్పేసి రానా పాత్ర ప్రాధాన్యతను మాత్రం తగ్గించడం లేదు.
ఈ సినిమాలో పవన్ కల్యాణ్ సరసన నాయికగా నిత్యామీనన్ నటించింది. రానా జోడీగా సంయుక్త మీనన్ అలరించనుంది. తెలుగు తెరకి ఈ సినిమాతోనే ఈ అమ్మాయి పరిచయమవుతోంది. పవన్ ఈ సినిమాలో ఎక్కువగా లుంగీతో కనిపిస్తుండటం ఆయన అభిమానులకు కొత్తగా అనిపిస్తోంది. ఈ లుక్ తో ఆయన మాస్ అభిమానుల్లో మరింత కుతూహలాన్ని పెంచుతున్నాడు. ఈ సినిమా నుంచి ఇంతవరకూ వచ్చిన పోస్టర్స్ .. సింగిల్స్ అందరినీ కూడా బాగానే ఆకట్టుకున్నాయి. తమన్ ఈ సినిమా కోసం గట్టిగానే కసరత్తు చేశాడనిపిస్తోంది.
ఈ సినిమాలో పాత్రలు పరిమితంగా ఉంటాయి .. ఉన్న పాత్రలు చూపే ప్రభావమే ఎక్కువగా ఉంటుంది. ముఖ్యంగా ప్రధాన పాత్రధారుల మధ్య సన్నివేశాలు నువ్వా? నేనా? అన్నట్టుగా సాగుతాయి. సాగర్ కె చంద్ర దర్శకత్వం వహిస్తున్న సినిమాను, సంక్రాంతి కానుకగా జనవరి 12వ తేదీన విడుదల చేయనున్నట్టు చెప్పారు. 13వ తేదీన 'సర్కారు వారు పాట' .. 14వ తేదీన 'రాధే శ్యామ్' సినిమాలు లైన్లోకి వచ్చాయి. బహుశా ఈ స్థాయి స్టార్స్ మధ్య ఇంతవరకూ ఇలాంటి పోటీ జరగలేని అంతా అనుకున్నారు. ఈ నేపథ్యంలోనే 'ఆర్ ఆర్ ఆర్' జనవరి 7వ తేదీన థియేటర్లకు వస్తున్నట్టు ప్రకటించారు.
'ఆర్ ఆర్ ఆర్' ప్రభావం ఏ స్థాయిలో ఉంటుందన్నది ప్రత్యేకంగా చెప్పవలసిన పనిలేదు. అలాంటి సినిమాకి ఎంత లేదన్నా ఒక మూడు వారాల దూరంలో ఉండటం మంచిది. దాంతో 'సర్కారువారి పాట' ఏప్రిల్ 1వ తేదీకి వెళ్లిపోయింది. పవన్ సినిమా కూడా బరిలో నుంచి తప్పుకోనున్నట్టుగా వార్తలు వచ్చాయి. దాంతో తమ సినిమా ముందుగా చెప్పినట్టుగానే జనవరి 12వ తేదీనే వస్తుందని మేకర్స్ క్లారిటీ ఇచ్చారు. కానీ 'భీమ్లా నాయక్' విడుదలను కాస్త వెనక్కి జరపడానికి కొంతమంది పెద్దలు రంగంలోగి దిగేసి చర్చలు జరుపుతున్నట్టుగా గుసగుసలు వినిపిస్తున్నాయి. మరి 'భీమ్లా నాయక్' తగ్గుతాడో .. ససేమిరా అంటూ భీష్మించుకు కూర్చుంటాడో చూడాలి.
ఈ సినిమాలో పవన్ కల్యాణ్ సరసన నాయికగా నిత్యామీనన్ నటించింది. రానా జోడీగా సంయుక్త మీనన్ అలరించనుంది. తెలుగు తెరకి ఈ సినిమాతోనే ఈ అమ్మాయి పరిచయమవుతోంది. పవన్ ఈ సినిమాలో ఎక్కువగా లుంగీతో కనిపిస్తుండటం ఆయన అభిమానులకు కొత్తగా అనిపిస్తోంది. ఈ లుక్ తో ఆయన మాస్ అభిమానుల్లో మరింత కుతూహలాన్ని పెంచుతున్నాడు. ఈ సినిమా నుంచి ఇంతవరకూ వచ్చిన పోస్టర్స్ .. సింగిల్స్ అందరినీ కూడా బాగానే ఆకట్టుకున్నాయి. తమన్ ఈ సినిమా కోసం గట్టిగానే కసరత్తు చేశాడనిపిస్తోంది.
ఈ సినిమాలో పాత్రలు పరిమితంగా ఉంటాయి .. ఉన్న పాత్రలు చూపే ప్రభావమే ఎక్కువగా ఉంటుంది. ముఖ్యంగా ప్రధాన పాత్రధారుల మధ్య సన్నివేశాలు నువ్వా? నేనా? అన్నట్టుగా సాగుతాయి. సాగర్ కె చంద్ర దర్శకత్వం వహిస్తున్న సినిమాను, సంక్రాంతి కానుకగా జనవరి 12వ తేదీన విడుదల చేయనున్నట్టు చెప్పారు. 13వ తేదీన 'సర్కారు వారు పాట' .. 14వ తేదీన 'రాధే శ్యామ్' సినిమాలు లైన్లోకి వచ్చాయి. బహుశా ఈ స్థాయి స్టార్స్ మధ్య ఇంతవరకూ ఇలాంటి పోటీ జరగలేని అంతా అనుకున్నారు. ఈ నేపథ్యంలోనే 'ఆర్ ఆర్ ఆర్' జనవరి 7వ తేదీన థియేటర్లకు వస్తున్నట్టు ప్రకటించారు.
'ఆర్ ఆర్ ఆర్' ప్రభావం ఏ స్థాయిలో ఉంటుందన్నది ప్రత్యేకంగా చెప్పవలసిన పనిలేదు. అలాంటి సినిమాకి ఎంత లేదన్నా ఒక మూడు వారాల దూరంలో ఉండటం మంచిది. దాంతో 'సర్కారువారి పాట' ఏప్రిల్ 1వ తేదీకి వెళ్లిపోయింది. పవన్ సినిమా కూడా బరిలో నుంచి తప్పుకోనున్నట్టుగా వార్తలు వచ్చాయి. దాంతో తమ సినిమా ముందుగా చెప్పినట్టుగానే జనవరి 12వ తేదీనే వస్తుందని మేకర్స్ క్లారిటీ ఇచ్చారు. కానీ 'భీమ్లా నాయక్' విడుదలను కాస్త వెనక్కి జరపడానికి కొంతమంది పెద్దలు రంగంలోగి దిగేసి చర్చలు జరుపుతున్నట్టుగా గుసగుసలు వినిపిస్తున్నాయి. మరి 'భీమ్లా నాయక్' తగ్గుతాడో .. ససేమిరా అంటూ భీష్మించుకు కూర్చుంటాడో చూడాలి.