రానా తాత‌య్య ఇంట్లో భారీ చోరీ

ద‌గ్గుబాటి ఇంట్లో దొంగ‌లు ప‌డ్డారా? అంటే అవున‌నే స‌మాచారం. ద‌గ్గుబాటి సురేష్ బాబుకు బాబాయ్.. హీరో రానా చిన‌ తాత‌య్య ఇంట్లో భారీ చోరి జ‌రిగింది. ద‌గ్గుబాటి సురేష్ బాబు- రామానాయుడు స్వ‌స్థ‌ల‌మైన ప్ర‌కాశం జిల్లా కారం చేడులో రామ్మోహ‌న‌రావు ఇంట్లో దొంగ‌లు ప‌డ్డారు. న‌గ‌లు- న‌గ‌దు పెద్ద ఎత్తున దోచుకెళ్లిన‌ట్లు స‌మాచారం. దొంగ‌లు ప‌డిన స‌మ‌యంలో ఇంట్లో న‌గ‌దు.. బంగారం ఎక్కువ‌ గా ఉన్న‌ట్లు స్థానికులు చెబుతున్నారు. దొంగ‌లు ప‌క్కాగా స్కెచ్ వేసి దోపిడీకి పాల్ప‌డ్డార‌ని తెలుస్తోంది. దోపిడీ అనంత‌రం బాధితులు స్థానిక పోలీస్ స్టేష‌న్ లో ఫిర్యాదు చేసారు.

కేసు న‌మోదు చేసిన పోలీసులు ద‌ర్యాప్తు చేప‌ట్టారు. ప్ర‌త్యేకంగా క్లూస్ టీమ్ ని రంగం లోకి దించి దొంగ‌ల్ని ప‌ట్టుకునే ప‌నిలో ప‌డ్డారు. ద‌గ్గుబాటి రామానాయుడు కారం చేడు నుంచి చెన్నై కు వెళ్లి నిర్మాత అయినా.. ఆయ‌న త‌మ్ముడు రామ్మోహ‌న్ నాయుడు కుటుంబం మాత్రం సినీప‌రిశ్ర‌మ‌కు దూరంగా ఉంది. కారం చేడులోనే స్థిర‌ ప‌డింది. ఆ కుటుంబం నుంచి మాత్రం ఏ ఒక్క‌రూ ఇండ‌స్ట్రీ కి రాలేదు. కేవ‌లం రామానాయుడు వార‌సులు మాత్రమే ప‌రిశ్ర‌మ‌ లో కొన‌సాగుతున్నారు.

తాజా ఘ‌ట‌న‌తో మూవీ మొఘ‌ల్ రామానాయుడు సోద‌రుడు రామ్మోహ‌నాయుడు ఫ్యామిలీ వివ‌రాలు బ‌య‌ట‌కు తెలుస్తున్నాయి. ఇటీవ‌లే వెంక‌టేష్‌- నాగ‌చైత‌న్య క‌థానాయ‌లు గా తెరకెక్కిన మ‌ల్టీస్టార‌ర్ వెంకీమామ ప్రేక్ష‌కుల ముందుకొచ్చిన సంగ‌తి తెలిసిందే. ఈ సినిమాతో రామానాయుడు క‌ల నెర‌వేరింది. అయితే ఆ సినిమా ప్రీ రిలీజ్ వేడుక‌ల్లో ఎక్క‌డా రామ్మోహ‌నాయుడు కుటుంబ స‌భ్యులు క‌నిపించ‌లేదు. కేవ‌లం రామానాయుడు వార‌సులు మాత్రమే క‌నిపించారు.