కుర్ర హీరోకి బడా సంస్థ బ్రేకులేస్తోందా?

అదో బడా నిర్మాణ సంస్థ. ఆ బ్యానర్ పై సినిమా చేయడం అంటేనే ప్రతిష్టాత్మకం. హీరో స్థాయి నుంచి స్టార్ రేంజ్ కు ఎదగడంలో.. హీరోల రేంజ్ పెంచడంలో ఆ నిర్మాత ప్లానింగ్ సూపర్ గా ఉంటుందని అంతా అంటారు. గతంలో ప్రూవ్ అయింది కూడా.

ఒక హిట్టు.. ఒక బ్లాక్ బస్టర్ తో విపరీతమైన ఫేమ్ సంపాదించుకున్న ఓ యంగ్ హీరో.. ఇప్పుడా  బ్యానర్ పై సినిమా చేస్తున్నాడు. ఈ మూవీ ఫినిష్ అయిపోయిందని అంతా అనుకున్నారు. మిడ్ సమ్మర్ లోనే రిలీజ్ అనే మాటలు కూడా వినిపించాయి. కానీ అది పోస్ట్ పోన్ అయి జూన్ అన్నారు. ఇప్పుడు ఇది కూడా డౌట్ అనే మాటలు దాదాపుగా రూఢీ అయిపోయినట్లే. రీషూట్లు.. గ్రాఫిక్స్ వర్క్ అంటూ రకరకాల రీజన్స్ వినిపిస్తున్నాయి. ఓ రకంగా చూస్తే తమ బ్యానర్ పై వచ్చే సినిమా గ్యారంటీ హిట్ కావాలని ఆ సంస్థ వర్గాలు తపన పడుతున్నట్లుగా అనిపిస్తుంది.

కానీ సినీ జనాల వెర్షన్ వేరేలా ఉంది. ఆ కుర్ర హీరోకు ఇప్పుడు ఫుల్లు క్రేజ్ ఉంది. అలాంటి డిమాండ్ ఉన్న సమయంలో.. సినిమా రిలీజ్ ను ఇలా నిర్మాతలు నిర్ణయించేయడం.. చీటికి మాటికీ వాయిదాలు వేస్తుండడం వంటివి చేస్తే.. మూవీపై బజ్ పోతుందని అంటున్నారు. ఇప్పటికే విడదల అయిన టీజర్లకు బాగానే రెస్పాన్స్ వచ్చింది. అలాంటి సమయంలో రిలీజ్ డేట్ పై క్లారిటీ ఇవ్వకుండా.. ఆ హీరో ఫ్యూచర్ ను కంట్రోల్ చేసేస్తున్నారనే వాదనలు వినిపిస్తున్నాయి.