టాలీవుడ్ నిర్మాత... కలాం బయోపిక్

టాలీవుడ్ లో మంచి టేస్ట్ ఉన్న నిర్మాతగా అనిల్ సుంకరకు గుర్తింపు ఉంది. అంతే కాదు.. తను నమ్మిన కోరిన సబ్జెక్ట్ కోసం ఎంతైనా ఖర్చు చేస్తాడంటారు సినిమా జనాలు. ఈయనకు ప్రస్తుతం ఓ బయోపిక్ తీయాలనే ఇంట్రెస్ట్ విపరీతంగా ఉందిట. అది కూడా భారత మాజీ రాష్ట్రపతి అబ్దుల్ కలాం జీవిత చరిత్రను ప్రజలకు చూపించాలని ఆరాటపడుతున్నారట అనిల్ సుంకర.

ఏపీజే అబ్దుల్ కలాం అంటే అందరికీ ఆసక్తి మాత్రమే కాదు.. ఎంతో గౌరవం కూడా. రాష్ట్రపతి పదవికే వన్నె తెచ్చిన ఆ మహనీయుని బయోపిక్ అంటే.. ప్రేక్షకాదరణ పొందేందుకు అవకాశాలు పుష్కలంగా ఉన్నాయి. అయితే.. ఇక్కడ సబ్జెక్ట్ ప్రిపరేషన్ అన్నదే అత్యంత కీలకమైన విషయం. కలాంపై పుస్తకం రాసి రాజ్ చెంగప్పను ఇప్పటికే స్టోరీ విషయంలో కొన్ని సంప్రదింపులు జరిపారట అనిల్ సుంకర.

కలాంగా ఎవరు నటిస్తారు.. ఎవరు ఈ చిత్రానికి దర్శకత్వం వహిస్తారనే అంశాలపై ఇంకా క్లారిటీ లేదు. కానీ దర్శకత్వ బాధ్యతలు టాలీవుడ్ కు చెందిన వ్యక్తికి మాత్రం అప్పగించబోరనే టాక్ నడుస్తోంది. అబ్దుల్ కలాంపై రూపొందబోయే ఈ బయోపిక్ కి అభిషేక్ అగర్వాల్ కోప్రొడ్యూస్ చేయనున్నారని తెలుస్తోంది.

Like Us on Facebook : https://www.facebook.com/Tupakidotcom/