ప్రియుడి ఫోటోను డిలీట్ చేసిన బాలీవుడ్ బ్యూటీ..!

బాలీవుడ్ హాట్ బ్యూటీ కత్రినా కైఫ్ ప్రస్తుతం హీరో విక్కీ కౌశల్ తో డేటింగ్ చేస్తోందనే వార్తలు బీ టౌన్ లో చాలా రోజులుగా వస్తున్నాయి. వీరిద్దరూ చాలా సందర్భాల్లో చెట్టాపట్టాలేసుకుని తిరగడంతో పాటు ప్రైవేట్ పార్టీలలో కనిపించడంతో ఈ వార్తలకు బలం చేకూరింది. దీనికి తోడు ఇద్దరూ ఈ వార్తలను ఎప్పుడూ ఖండించలేదు కూడా. క్రిస్మస్ సందర్బంగా విక్కీ కత్రినా నివాసానికి వెళ్తూ కెమెరాకు చిక్కాడు. ఈ క్రమంలో ఇప్పుడు మరోసారి ఇద్దరూ కలిసి హాలిడేకి వెళ్లారని తెలుస్తోంది. నూతన సంవత్సరం నేప‌థ్యంలో ఇసాబెల్లె కైఫ్ తో కలిసి వెకేష‌న్ కు వెళ్లిన క‌త్రినా కైఫ్.. దీనికి సంబంధించిన ఫోటోలను సోషల్ మీడియాలో పోస్ట్ చేసింది. అయితే ఈ ఫోటోల కారణంగా కత్రినాతో పాటు విక్కీ కౌషల్ - సన్నీ కౌషల్ కూడా ఉన్నట్లు అర్థం అవుతోంది.

ఓ రెస్టారెంట్ లో ఇసాబెల్లెతో దిగిన ఫోటోను కత్రినా కైఫ్ షేర్ చేసింది. అయితే అందులో సన్నీకౌశ‌ల్ కు ముందు క‌త్రినా కూర్చొని ఉండగా.. ఆమె వెనుకే విక్కీ కౌశ‌ల్ కూడా ఉన్నట్లు తెలుస్తోంది. ఆ పిక్ ని జూమ్ చేసి చూడగా అద్దంలో విక్కీ ప్ర‌తిబింబం కనిపిస్తుంది. దీనికి నెటిజన్స్ స్పందిస్తూ 'జూమ్ చేయండి.. క‌త్రినా - విక్కీ కనిపిస్తారంటూ' కామెంట్స్ పెట్టారు. దీంతో క‌త్రినా ఆ ఫొటోను డిలీట్ చేసింది. అయితే అప్పటికే ఈ ఫొటోను చూసిన నెటిజన్స్ స్క్రీన్ షాట్స్ ని వైరల్ చేసేశారు. ఇద్దరి రిలేషన్ అధికారికంగా ప్రకటించమని కోరుతున్నారు. మరి త్వరలోనే అది కూడా చేస్తారేమో చూడాలి. కాగా, విక్కీ కౌశల్ - కత్రినాకైఫ్ కలిసి 'భూత్ పోలీస్' అనే చిత్రంలో కలసి న‌టిస్తున్నారు.