సీనియ‌ర్..జూనియ‌ర్ల‌తో మీనాక్షి ఆట!
ప్ర‌స్తుతం అమ్మ‌డు సీనియ‌ర్ హీరోలు..జూనియ‌ర్ హీరోలు అంద‌రితోనూ క‌లిసి న‌టిస్తుంది. మెగాస్టార్ చిరంజీవి న‌టిస్తోన్న `విశ్వంభ‌ర`లో ఓ కీల‌క పాత్ర పోషిస్తుంది.
మీనాక్షి చౌద‌రి ఫుల్ స్వింగ్ లో ఉన్న సంగ‌తి తెలిసిందే. స‌క్సెస్ లు మీద స‌క్సెస్ లు కొట్టుకుంటూ దూసుకు పోతుంది. 2024లో ఆరు సినిమాల‌తో ప్రేక్ష‌కుల ముందుకు రాగా, వాటిలో మూడు చిత్రాలు బ్లాక్ బ‌స్ట‌ర్ అయ్యాయి. గోట్, మ‌ట్కా, మెకానిక్ రాకీ లాంటి సినిమాలు మాత్రం అంచాన‌లు అందుకోవ‌డంలో విఫ‌ల‌మ‌య్యాయి. అయినా వైఫ‌ల్యాలు ఏవీ ఆమె కెరీర్ కి బ్రేక్ వేయ‌లేదు. వాటి ఫ‌టితాల‌తో సంబంధం లేకుండా కొత్త ఛాన్సులు అందుకుంటుంది.
ప్ర‌స్తుతం అమ్మ‌డు సీనియ‌ర్ హీరోలు..జూనియ‌ర్ హీరోలు అంద‌రితోనూ క‌లిసి న‌టిస్తుంది. మెగాస్టార్ చిరంజీవి న‌టిస్తోన్న `విశ్వంభ‌ర`లో ఓ కీల‌క పాత్ర పోషిస్తుంది. అలాగే విక్ట‌రీ వెంక‌టేష్ స‌ర‌స‌న `సంక్రాంతికి వ‌స్తున్నాం`లో న‌టిస్తోంది. బాల‌కృష్ణ 110వ చిత్రంలోనూ ఎంపిక‌య్యే అవ‌కాశాలు కనిపిస్తున్నాయి. ఇలా ముగ్గురు సీనియర్ల‌ను దాదాపు క‌వ‌ర్ చేసిన‌ట్లే. ఇక మిగిలింది కింగ్ నాగార్జున ఒక్క‌రే. అమ్మ‌డు దూకుడు చూసి ఏ క్ష‌ణ‌మైనా నాగ్ పిలిచి అవ‌కాశం ఇచ్చే ఛాన్స్ ఉంది.
ఇక యంగ్ హీరోల గురించైతే చెప్పాల్సిన ప‌నిలేదు. వ‌రుస విజ‌యాలు ద‌క్కించుకోవ‌డంతో యంగ్ హీరోల‌కు ల‌క్కీ హీరోయిన్ గా మారిపోతుంది. నాగ‌చైత‌న్య -కార్తీక్ దండు చిత్రంలో మీనాక్షినే హీరోయిన్ గా అనుకుంటున్నారు. అలాగే నేచుర‌ల్ స్టార్ నాని, శ‌ర్వానంద్, నితిన్ స‌హా చాలా టైర్-2 హీరోలంతా మీనాక్షిని త‌మ త‌దుప‌రి సినిమాల్లో భాగం చేయాల‌ని ఆస‌క్తి చూపిస్తున్నారు. నేచుర‌ల్ పెర్పార్మ‌ర్ గా మంచి పేరును కెరీర్ ఆరంభంలోనే సంపాదించింది.
ఆమెలోని ట్యాలెంట్ ని త్రివిక్ర‌మ్ ముందే ప‌సిగ‌ట్టాడు. మీనాక్షి తొలి సినిమా రిలీజ్ స‌మ‌యంలో ఆమె భ‌విష్య‌త్ ని ఊహించి చెప్పాడు. అగ్ర హీరోయిన్ గా ఎదుగుతుంద‌ని ముందే జోస్యం చెప్పారు. ఆయ‌న చెప్పిన‌ట్లే చాలా వేగంగానే స్టార్ లీగ్ లో స్థానం సంపాదించింది. అందుకే తెలుగుతో పాటు త‌మిళ్ లోనూ అవ‌కాశాలు అందుకుంటోంది.