అఖిల్ కోసం నాగ్ రంగంలోకి దిగారా?

కింగ్ నాగార్జున పాన్ ఇండియా లెవెల్లో త‌న త‌న‌యుడు అఖిల్ కోసం ప్లాన్ లు చేస్తున్నారా?.. త‌న‌ని బాలీవుడ్ కు ప‌రిచ‌యం చేయాల‌నే ప్ర‌య‌త్నాల్లో వున్నారా? అంటే టాలీవుడ్ వ‌ర్గాలు అవున‌నే సమాధానం చెబుతున్నాయి. వివ‌రాల్లోకి వెళితే.. కింగ్ నాగార్జున సుధీర్ఘ విరామం త‌రువాత బాలీవుడ్ మూవీ `బ్ర‌హ్మాస్త్ర‌`లో న‌టించిన విష‌యం తెలిసిందే. ర‌ణ్ బీర్ క‌పూర్‌, అలియాభ‌ట్ జంట‌గా న‌టించిన ఈ సినిమాకు అయాన్ ముఖ‌ర్జీ ద‌ర్శ‌క‌త్వం వ‌హించ‌గా క‌ర‌ణ్ జోహార్ తో పాటు మ‌రి కొంత మంది ఈ మూవీని నిర్మించారు.

రీసెంట్ గా విడుద‌లైన ఈ మూవీ కోసం నాగార్జున ప‌లు ప్ర‌మోష‌న్స్ లో పాల్గొన్నారు. పాత్ర చిత్ర‌దే అయినా ప‌వ‌ర్ ఫుల్ క్యారెక్ట‌ర్ కావడంతో `బ్ర‌హ్మాస్త్ర‌` టీమ్ తో క‌లిసి అగ్రెసీవ్ గా సౌత్ లో, నార్త్ లో ప్రచారం చేశారు. సినిమా విడుద‌లై డివైడ్ టాక్ ని ద‌క్కించుకున్నా క‌లెక్ష‌న్స్ మాత్రం భారీ స్థాయిలోనే రాబ‌డుతోంది. సినిమా రిలీజ్ కు ముందు పాజిటివ్ టాక్ వుండ‌టంతో అది అడ్వాన్స్ బుకింగ్స్ కి బాగా క‌లిసి వ‌చ్చి భారీ ఓపెనింగ్స్ ని అందించింది.

ఇదిలా వుంటే క‌ర‌ణ్ జోహార్ కోసం కింగ్ నాగార్జున ముంబైకి వెళ్లిన‌ట్టుగా వార్తులు వినిపిస్తున్నాయి. ముంబైలోని క‌ర‌ణ్ జోహార్ కు చెందిన ధ‌ర్మా ప్రొడ‌క్ష‌న్స్ ఆఫీస్ లో కింగ్ నాగ్ ప్ర‌త్య‌క్ష‌మ‌వ్వ‌డంతో నాగార్జున  పై వ‌స్తున్న వార్త‌ల‌కు బ‌లం చేకూరుతోంది. ఉన్న‌ట్టుండి నాగ్ .. క‌ర‌ణ్ ఆఫీస్ కు ఎందుకు వెళ్లార‌న్న‌ది ఇప్పుడు ఆస‌క్తిక‌రంగా మారింది. అఖిల్ ని బాలీవుడ్ లో గ్రాండ్ గా లాంఛ్ చేయాల‌నే ఆలోచ‌న‌లో భాగంగానే నాగ్ .. క‌ర‌ణ్ ని క‌లిశార‌ని తెలుస్తోంది.  

`బాహుబ‌లి` నుంచి క‌ర‌ణ్ జోహార్ టాలీవుడ్ సినిమాల‌కు బాలీవుడ్ సినిమాల‌కు, స్టార్స్ కి వెన్ను ద‌న్నుగా నిలుస్తూ భారీ స‌పోర్ట్ ని అందిస్తున్న విష‌యం తెలిసిందే. ఈ నేప‌థ్యంలోనే నాగ్ త‌న త‌న‌యుడు అఖిల్ కు కూడా క‌ర‌ణ్ స‌పోర్ట్ ని ఆశిస్తున్నాడ‌ని, ఆ కార‌ణంగానే త‌న‌తో ప్ర‌త్యేకంగా స‌మావేశం అవుతున్నార‌ని తెలుస్తోంది. అఖిల్ ప్ర‌స్తుతం `ఏజెంట్‌` మూవీలో న‌టిస్తున్న విష‌యం తెలిసిందే. సురేంద‌ర్ రెడ్డి డైరెక్ట్ చేస్తున్నాడు.

ఈ మూవీని భారీ స్థాయిలో పాన్ ఇండియా మూవీగా తెలుగు, హిందీతో పాటు ఐదు భాష‌ల్లో భారీగా విడుద‌ల చేయాల‌ని ప్లాన్ చేస్తున్న విష‌యం తెలిసిందే. ఈ మూవీ బాలీవుడ్ రిలీజ్ కోస‌మే నాగ్ .. క‌ర‌ణ్ ని క‌లుస్తున్నార‌ని వార్త‌లు వినిపిస్తున్నాయి. అఖిల్ `ఏజెంట్‌` మూవీపై భారీ ఎక్స్ పెక్టేష‌న్స్ తో వున్నాడు. ఈ మూవీతో పాన్ ఇండియా లెవెల్లో స్టార్ గా గుర్తింపుని పొందాల‌న్న‌ది అఖిల్ ఆలోచ‌న‌. ఆ ఆలోచ‌న‌లో భాగంగానే నాగ్ ఈ మూవీని హిందీలో స‌పోర్ట్ చేయ‌మ‌ని క‌ర‌ణ్ ని క‌లుస్తున్నార‌ని ఇండ‌స్ట్రీ వ‌ర్గాల్లో వినిపిస్తోంది. అంటే కింగ్ నాగ్ అక్క‌డ సెట్ చేస్తున్నాడ‌న్నామ‌ట‌.



నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.