సంపూ 'బజారు రౌడీ' ప్రముఖ కొరియోగ్రాఫర్లు

బర్నింగ్‌ స్టార్‌ సంపూర్నేష్ బాబు హీరోగా మహేశ్వరి వద్ది హీరోయిన్‌ గా వసంత నాగేశ్వరరావు దర్శకత్వంలో రూపొందుతున్న సినిమా బజారు రౌడీ. ఈ సినిమా షూటింగ్‌ క్లైమాక్స్‌ కు చేరింది. ఇంతకు ముందు ప్రముఖ కొరియోగ్రాఫర్‌ ప్రేమ్‌ రక్షిత్‌ మాస్టర్ ఆధ్వర్యంలో పాటను చిత్రీకరించిన యూనిట్ సభ్యులు ఇప్పుడు మరో పాటకు సంబంధించిన షూటింగ్‌ కు సిద్దం అవుతున్నారు. మరో వైపు సారధి స్టూడియోలో సినిమా డబ్బింగ్ కార్యక్రమాలు జరుగుతున్నాయి. పక్కా కమర్షియల్‌ మూవీగా ఈ సినిమాను తెరకెక్కిస్తున్నట్లుగా యూనిట్‌ సభ్యులు చెబుతున్నారు.

యూత్‌ ఆడియన్స్ కనెక్ట్‌ అయ్యేలా ప్రముఖ కొరియోగ్రాఫర్‌ నిక్సన్ మాస్టర్‌ సారధ్యంలో సంపూర్నేష్‌ బాబు మరియు హీరోయిన్‌ మహేశ్వరిలపై ఒక పాటను చిత్రీకరించేందుకు ఏర్పాట్లు జరుగుతున్నాయి. గుంటూరు జిల్లా కొండ వీడు గ్రామ అందాలను చూపిస్తూ పాటను చిత్రీకరించబోతున్నట్లుగా నిర్మాత పేర్కొన్నారు. షూటింగ్‌ పూర్తి అయిన వెంటనే ఫస్ట్‌ లుక్ ను విడుదల చేయడంతో పాటు సినిమాను కూడా త్వరలోనే విడుదల చేస్తామంటూ యూనిట్‌ సభ్యులు చెబుతున్నారు. సంపూర్నేష్‌ బాబు అంటే కామెడీ ని ప్రేక్షకులు ఆశిస్తారు. ఆ కామెడీ ఈ మూవీలో కావాల్సినంత ఉంటుందని యూనిట్‌ సభ్యులు చెబుతున్నారు.