బన్నీ- శ్రీలీల 'కిస్సిక్'.. సూపర్ రికార్డ్ కొట్టేసిందిగా!

టాలీవుడ్ ఐకాన్ స్టార్ అల్లు అర్జున్ హీరోగా సుకుమార్ తెరకెక్కిస్తున్న పుష్ప-2.. రిలీజ్ కు సిద్ధమవుతున్న విషయం తెలిసిందే. ప్రస్తుతం అన్ని పనులు చివరి దశకు చేరుకున్నట్లు సమాచారం. వరల్డ్ వైడ్ గా డిసెంబర్ 5వ తేదీన సినిమాను గ్రాండ్ గా రిలీజ్ చేసేందుకు మేకర్స్ అన్ని ఏర్పాట్లు చేస్తున్నారు. భారీస్థాయిలో రిలీజ్ చేయనున్నారు.

ఇప్పటికే సినిమాపై ఆడియన్స్ లో ఎలాంటి బజ్ క్రియేట్ అయిందో స్పెషల్ గా చెప్పనక్కర్లేదు. ఫస్ట్ పార్ట్ కు మించి సీక్వెల్ మంచి హిట్ అవుతుందని అంతా అంచనా వేస్తున్నారు. రూ.1000 కోట్ల క్లబ్ లోకి అడుగుపెడుతుందని భావిస్తున్నారు. అందుకు తగ్గట్లే ప్రీ రిలీజ్ బిజినెస్ జరిగినట్లు ఇప్పటికే మూవీ టీమ్ క్లారిటీ ఇచ్చేసింది!

అయితే మ్యూజిక్ ప్రమోషన్స్ లో భాగంగా మేకర్స్ ఇప్పటికే వరుసగా సాంగ్స్ రిలీజ్ చేస్తున్న విషయం తెలిసిందే. టైటిల్ సాంగ్ తో పాటు సూసేకిని విడుదల చేయగా.. చార్ట్ బస్టర్స్ గా నిలిచాయి. రీసెంట్ గా పుష్ప-2 మేకర్స్ చెన్నై వేదికగా జరిగిన ఈవెంట్‌ లో యంగ్ బ్యూటీ శ్రీలీల బన్నీతో ఆడిపాడిన కిస్సిక్‌ సాంగ్‌ ను రిలీజ్ చేశారు.

ప్రస్తుతం సోషల్ మీడియాలో కిస్ కిస్ కిస్ కిస్సిక్.. కిస్సా కిస్సా కిస్ కిస్సిక్ అనే హమ్మింగ్ తెగ ట్రెండ్ అవుతోంది. ఎక్కడ చూసినా అదే కనిపిస్తోంది. అయితే సాంగ్ టాక్ ఎలా ఉన్నా.. నెట్టింట ఫుల్ వైరల్ అవుతోంది. అయితే కిస్సిక్ సాంగ్ తాజాగా అరుదైన ఘనత సాధించింది. అత్యధిక వ్యూస్‌ సొంతం చేసుకున్న సౌత్ సాంగ్ రికార్డ్ బ్రేక్ చేసింది.

18 గంటల్లో అత్యంత వేగంగా అత్యధిక వ్యూస్‌ దక్కించుకున్న దక్షిణాది పాటగా రికార్డు సృష్టించినట్లు మేకర్స్ తాజాగా ప్రకటించారు. 25+ మిలియన్‌ వ్యూస్‌ ను దక్కించుకున్నట్లు వెల్లడించారు. రాక్ స్టార్ దేవిశ్రీ ప్రసాద్‌ బాణీలు కట్టిన కిస్సిక్ సాంగ్ ను ఆస్కార్ విన్నర్ లిరిసిస్ట్ చంద్రబోస్‌ సాహిత్యం అందించగా.. సుభ్లాషిణి ఆలపించారు.

అయితే పుష్పలో హీరోయిన్ సమంత చేసిన ఊ అంటావా సాంగ్ వేర్ లెవెల్ రెస్పాన్స్ సంపాదించుకున్న విషయం తెలిసిందే. ఇప్పుడు ఆ పాటతో కిస్సిక్ సాంగ్ ను అనేక మంది కంపేర్ చేస్తున్నారు. తొలుత కాస్త ట్రోల్స్ వచ్చినా ఇప్పుడు మెల్లగా కిస్సిక్ సాంగ్ ఎక్కుతున్నట్లు అనిపిస్తోంది. మరి చూడాలి కిస్సిక్ పాట చివరికి ఎలాంటి హిట్ అవుతుందో..