కొత్త ట్రెండ్‌..హీరో అక్క‌డ‌.. డైరెక్ట‌ర్ ఇక్క‌డ‌.. డైరెక్ట‌ర్ అక్క‌డ.. హీరో ఇక్క‌డ‌

టాలీవుడ్ లో కొత్త ట్రెండ్ మొద‌లైంది. ప్ర‌స్తుతం తెలుగులో పాన్ ఇండియా చిత్రాల హ‌వా న‌డుస్తున్న నేప‌థ్యంలో అంద‌రి దృష్టి టాలీవుడ్ పై ప‌డింది. దీంతో ఇక్క‌డ ఏ హీరో సినిమా మొద‌లైనా బిజినెస్ ఎంక్వైరీలు భారీ స్థాయిలో వుంటున్నాయి. హిందీ డ‌బ్బింగ్ రైట్స్ కోసం కూడా ఉత్త‌రాది ప్రొడ్యూస‌ర్స్ ఎగ‌బ‌డుతున్న నేప‌థ్యంలో త‌మిళ హీరోలు, డైరెక్ట‌ర్ లు ఇప్ప‌డు మ‌న టాలీవుడ్ పై క‌న్నేశారు. మ‌న హీరోల‌తో సినిమాలు చేయ‌డానికి రెడీ అంటున్నారు. ఇదే స‌మ‌యంలో మ‌న డైరెక్ట‌ర్లు త‌మిళ హీరోల‌తో సినిమా చేస్తున్నారు.

ఇలా అక్క‌డి వారు ఇక్క‌డ‌.. ఇక్క‌డి వారు అక్క‌డ వ‌రుస‌గా సినిమాలు చేస్తూ ప్ర‌స్తుతం కొత్త ట్రెండ్ కు శ్రీ‌కారం చుట్ట‌డం ప‌లువురిని ఆక‌ట్టుకుంటోంది. అంతే కాకుండా తెలుగు, త‌మిళ భాష‌ల్లో ఒకేసారి రూపొందుతూ ద్విభాషా చిత్రాల హ‌డావిడి కూడా ఎక్కువ‌వుతోంది. ఈ నేప‌థ్యంలో వ‌రుస‌గా క్రేజీ చిత్రాలు సెట్స్ పైకి వ‌చ్చేస్తున్నాయి. ఇప్ప‌టికే కొన్ని సెట్స్ పై వున్నాయి. కొన్ని చిత్రీక‌ర‌ణ ద‌శ‌లో వుంటే మ‌రి కొన్ని రిలీజ్ కి రెడీ అయిపోతున్నాయి. అవేంటో చూద్దాం.

ఉస్తాద్ రామ్ హీరోగా త‌మిళ ద‌ర్శ‌కుడు ఎన్‌. లింగుసామి తెర‌కెక్కిస్తున్న చిత్రం 'ది వారియ‌ర్‌'. తొలిసారి ద‌ర్శ‌కుడు ఎన్ . లింగు సామి చేస్తున్న తెలుగు చిత్ర‌మిది. ఈ చిత్రాన్ని త‌మిళంలోనూ ఏక కాలంలో తెర‌కెక్కిస్తున్నారు. రామ్ న‌టిస్తున్న తొలి త‌మిళ చిత్రం కూడా ఇదే కావ‌డం గ‌మ‌నార్హం. ఇక  మెగాస్టార్ చిరంజీవి న‌టిస్తున్న 'గాడ్ ఫాద‌ర్‌' చిత్రాన్ని త‌మిళ ద‌ర్శ‌కుడు మోహ‌న్ రాజా తెర‌కెక్కిస్తున్నారు. ఈ మూవీని మ‌ల‌యాళ సూప‌ర్ హిట్ ఫిల్మ్ 'లూసీఫ‌ర్‌' ఆధారంగా తెర‌కెక్కిస్తున్నారు. ప్ర‌స్తుతం ఈ మూవీ చిత్రీక‌ర‌ణ ద‌శ‌లో వుంది. యంగ్ హీరో దుల్క‌ర్ స‌ల్మాన్, ర‌ష్మిక మంద‌న్న జంట‌గా హ‌ను రాఘ‌వ‌పూడి 'యుద్ధంతో రాసిన ప్రేమ‌క‌థ‌' అంటూ ఓ పీరియాడిక్ మూవీని తెర‌కెక్కిస్తున్నారు.

స్వ‌ప్న సినిమా బ్యాన‌ర్ పై సి. అశ్వ‌నీద‌త్ అత్యంత భారీ స్థాయిలో ఈ మూవీని నిర్మిస్తున్నారు. ప్ర‌స్తుతం ఈ మూవీ చిత్రీక‌ర‌ణ చివ‌రి ద‌శ‌కు చేరుకుంది. 'లెఫ్టినెంట్ రామ్' అనే వ‌ర్కింగ్ టైటిల్ తో ఈ మూవీని రూపొందిస్తున్నారు. బాలీవుడ్ హీరోయిన్ మృణాల్ సేన్ మ‌రో హీరోయిన్ గా న‌టిస్తోంది. నాగ‌చైత‌న్య హీరోగా త‌మిళ ద‌ర్శ‌కుడు వెంక‌ట్ ప్ర‌భు డైరెక్ష‌న్ లో ఓ బైలింగ్వ‌ల్ మూవీ రూపొందుతోంది. తెలుగు, త‌మిళ భాష‌ల్లో ఏక కాలంలో సెట్స్ పైకి రానున్న ఈ మూవీతో నాగ‌చైత‌న్య త‌మిళ ప్రేక్ష‌కుల‌కు ప‌రిచ‌యం కాబోతుండ‌గా.. ఇదే సినిమాతో ద‌ర్శ‌క‌డు వెంక‌ట్ ప్ర‌భు తెలుగులో అరంగేట్రం చేస్తున్నారు.  

ఇక యంగ్ హీరో పంజా వైష్ణ‌వ్ తేజ్ ఇప్ప‌టికే త‌మిళ డైరెక్ట‌ర్ తో 'రంగ రంగ వైభ‌వంగ‌' చిత్రాన్ని పూర్తి చేసి రిలీజ్ కి రెడీ అయిపోయాడు. బీవీఎస్ ఎన్ ప్ర‌సాద్ నిర్మించిన ఈ మూవీలో 'అర్జున్ రెడ్డి' త‌మిళ రీమేక్ 'ఆదిత్య వ‌ర్మ‌' ద్వారా ద్శ‌కుడుడిగా పేరు తెచ్చుకున్న గ‌రీషాయ తెలుగు తెర‌కు ప‌రిచ‌యం అవుతున్నారు. కేతిక శ‌ర్మ హీరోయిన్ గా న‌టించిన ఈ మూవీ జూలై 1న విడుద‌ల కానుంది. త‌మిళ హీరో ధ‌నుష్ తో తెలుగు ద‌ర్శ‌కుడు వెంకీ అట్లూరి 'సార్‌' పేరుతో ఓ బైలింగ్వ‌ల్ మూవీని రూపొందిస్తున్నారు. ఇప్ప‌టికే ఈ మూవీ రెగ్యుల‌ర్ షూటింగ్ మొద‌లైంది.

సితార ఎంట‌ర్ టైన్ మెంట్స్ , ఫార్చూన్ ఫోర్ సినిమాస్ బ్యాన‌ర్ ల‌పై సూర్యదేవ‌ర నాగ‌వంశీ, త్రివిక్ర‌మ్ వైఫ్ సాయి సౌజ‌న్య నిర్మిస్తున్నారు. శ్రియ‌, సంయుక్త మీన‌న్ హీరోయిన్ లుగా న‌టిస్తున్నారు. ఇదే బాట‌లో స్టార్ డైరెక్ట‌ర్ వంశీ పైడిపల్లి, స్టార్ ప్రొడ్యూస‌ర్ దిల్ రాజు త‌మిళ స్టార్ హీరో ఇళ‌య‌ద‌ళ‌ప‌తి విజ‌య్ హీరోగా తెలుగు, త‌మిళ భాష‌ల్లో బై లింగ్వ‌ల్ మూవీని చేస్తున్నారు. ర‌ష్మిక మంద‌న్న హీరోయిన్ గా న‌టిస్తున్న ఈ మూవీ రెగ్యుల‌ర్ షూటింగ్ ఇటీవ‌లే చెన్నైలో స్టార్ట‌యింది.

తెలుగులో విజ‌య్ కిదే తొలి చిత్రం. త్వ‌ర‌లో ధ‌నుష్ హీరోగా శేఖ‌ర్ క‌మ్ముల కూడా ద్విభాషా చిత్రాన్ని ప్రారంభించ‌బోతున్నారు. సునీల్ నారంగ్, పుస్కూర్ రామ్మోహ‌న్ రావు, శేఖ‌ర్ క‌మ్ముల ఈ మూవీని సంయుక్తంగా నిర్మించ‌బోతున్నారు. ఇక 'ప‌క్కా క‌మ‌ర్షియ‌ల్' మూవీని పూర్తి చేసి రిలీజ్ కి రెడీ అవుతున్న హీరో గోపీచంద్ కూడా త్వ‌ర‌లో త‌మిళ డైరెక్ట‌ర్ హ‌రితో బై లింగ్వ‌ల్ మూవీకి రెడీ అయిపోతున్నారంటూ వార్త‌లు వినిపిస్తున్నాయి.