సూపర్ స్టార్ మహేష్ బాబు కెరీర్ ప్రారంభం నుంచీ తన ఇమేజ్ ని స్టార్డమ్ ని పక్కనపెట్టి ప్రయోగాలు చేస్తూ వస్తున్నారు. ఈ క్రమంలో తన సినిమా ద్వారా ప్రేక్షకులకు ఏదొక సందేశం ఇవ్వాలని చూస్తుంటారు. ముఖ్యంగా 'శ్రీమంతుడు' సినిమా బ్లాక్ బస్టర్ అయిన దగ్గర నుంచి మహేష్ స్క్రిప్ట్ సెలక్షన్ విధానం మారిందని అనుకోవాలి. 'మహర్షి' 'భరత్ అనే నేను' 'సరిలేరు నీకెవ్వరు' సినిమాలు గమనిస్తే ఈ విషయం స్పష్టంగా అర్థం అవుతుంది. వీటితోనే సూపర్ హిట్స్ అందుకొని నేషనల్ అవార్డ్స్ కూడా అందుకుంటున్నారు. ఇప్పుడు లేటెస్టుగా మహేష్ నటిస్తున్న ''సర్కారు వారి పాట'' సినిమా కూడా సందేశాత్మక అంశాలతో కూడిన కమర్షియల్ ఎంటర్టైనర్ అని తెలుస్తోంది.
పరాశురామ్ పెట్లా దర్శకత్వంలో ''సర్కారు వారి పాట'' సినిమా తెరకెక్కుతోంది. ఇటీవల విడుదలైన పోస్టర్స్ - టీజర్ ను బట్టి, ఇది మహేష్ ఫ్యాన్స్ ఆశించే పక్కా కమర్షియల్ సినిమా అని అనుకున్నారు. అయితే ఇంతకు మించి మెసేజ్ కూడా ఉంటుందని తెలుస్తోంది. బ్యాంకుల కుంభకోణం - ప్రభుత్వ ఖజానా కొల్లగొట్టిన ఆర్థిక నేరగాళ్లు - భారతీయ రాజకీయ ఆర్థిక వ్యవస్థ వంటి అంశాలను ఈ సినిమాలో ప్రస్తావించబోతున్నారట. బ్యాంక్ రుణాలు తీసుకొని విదేశాలకు పారిపోయిన ప్రముఖుల దగ్గర నుంచి.. ఆర్థిక నేరాలకు పాల్పడే కింది స్థాయి వ్యక్తుల వరకు అందరినీ టార్గెట్ చేస్తూ ఈ సినిమా ఉంటుందని టాక్.
'భరత్ అనే నేను' 'మహర్షి' 'బిజినెస్ మ్యాన్' చిత్రాల్లో ప్రెస్ మీట్ సీన్స్ తరహాలో.. ''సర్కారు వారి పాట'' క్లైమాక్స్ లో సుదీర్ఘమైన స్పీచ్ ఉంటుందని.. మహేష్ డైలాగ్స్ నెక్స్ట్ లెవల్ లో ఉంటాయని టాక్. ఏదేమైనా మహేష్ నుంచి మరోసారి మంచి మెసేజ్ ఓరియెంటెడ్ సినిమా రాబోతోంది. కాకపోతే ఈసారి యాక్షన్ కు పెద్ద పీట వేస్తున్నట్లు తెలుస్తోంది. అందుకే మహేష్ వింటేజ్ లుక్ లోకి మారిపోయాడు. ఇటీవల విడుదలైన బ్లాస్టర్ టీజర్ లో ఈ విషయాన్ని శాంపిల్ గా చూపించారు. సూపర్ స్టార్ పూర్తి మాస్ అవతారం చూడాలంటే వచ్చే ఏడాది సంక్రాంతి వరకు ఆగాల్సిందే.
పరాశురామ్ పెట్లా దర్శకత్వంలో ''సర్కారు వారి పాట'' సినిమా తెరకెక్కుతోంది. ఇటీవల విడుదలైన పోస్టర్స్ - టీజర్ ను బట్టి, ఇది మహేష్ ఫ్యాన్స్ ఆశించే పక్కా కమర్షియల్ సినిమా అని అనుకున్నారు. అయితే ఇంతకు మించి మెసేజ్ కూడా ఉంటుందని తెలుస్తోంది. బ్యాంకుల కుంభకోణం - ప్రభుత్వ ఖజానా కొల్లగొట్టిన ఆర్థిక నేరగాళ్లు - భారతీయ రాజకీయ ఆర్థిక వ్యవస్థ వంటి అంశాలను ఈ సినిమాలో ప్రస్తావించబోతున్నారట. బ్యాంక్ రుణాలు తీసుకొని విదేశాలకు పారిపోయిన ప్రముఖుల దగ్గర నుంచి.. ఆర్థిక నేరాలకు పాల్పడే కింది స్థాయి వ్యక్తుల వరకు అందరినీ టార్గెట్ చేస్తూ ఈ సినిమా ఉంటుందని టాక్.
'భరత్ అనే నేను' 'మహర్షి' 'బిజినెస్ మ్యాన్' చిత్రాల్లో ప్రెస్ మీట్ సీన్స్ తరహాలో.. ''సర్కారు వారి పాట'' క్లైమాక్స్ లో సుదీర్ఘమైన స్పీచ్ ఉంటుందని.. మహేష్ డైలాగ్స్ నెక్స్ట్ లెవల్ లో ఉంటాయని టాక్. ఏదేమైనా మహేష్ నుంచి మరోసారి మంచి మెసేజ్ ఓరియెంటెడ్ సినిమా రాబోతోంది. కాకపోతే ఈసారి యాక్షన్ కు పెద్ద పీట వేస్తున్నట్లు తెలుస్తోంది. అందుకే మహేష్ వింటేజ్ లుక్ లోకి మారిపోయాడు. ఇటీవల విడుదలైన బ్లాస్టర్ టీజర్ లో ఈ విషయాన్ని శాంపిల్ గా చూపించారు. సూపర్ స్టార్ పూర్తి మాస్ అవతారం చూడాలంటే వచ్చే ఏడాది సంక్రాంతి వరకు ఆగాల్సిందే.