'పుష్పక విమానం' నుండి వస్తున్న చమన్ బ్రదర్స్ వారి 'సిలకా' సాంగ్..!

విజయ్ దేవరకొండ తమ్ముడు యువ హీరో ఆనంద్ దేవరకొండ నటిస్తున్న మూడో సినిమా "పుష్పక విమానం". ఇందులో శాన్వి మేఘన - గీత్ సాయిని హీరోయిన్స్ గా నటిస్తున్నారు. ఇటీవలే టైటిల్ అనౌన్స్ చేసి ఫస్ట్ లుక్ రిలీజ్ చేయగా మంచి స్పందన తెచ్చుకుంది. విజయ్ దేవరకొండ సమర్పిస్తున్న ఈ చిత్రాన్ని కింగ్ అఫ్ ది హిల్ ప్రొడక్షన్ మరియు టాంగా ప్రొడక్షన్స్ సంయుక్తంగా నిర్మిస్తున్నాయి. గోవర్ధన్ రావు దేవరకొండ - విజయ్ దషి - ప్రదీప్ ఎర్రబెల్లి ఈ చిత్రానికి నిర్మాతలుగా వ్యవహరిస్తున్నారు. దామోదర అనే కొత్త దర్శకుడు తెరకెక్కిస్తున్న ఈ చిత్రాన్ని తెరకెక్కిస్తున్నాడు. ప్రస్తుతం పోస్ట్ ప్రొడక్షన్ కార్యక్రమాలు జరుపుకుంటున్న ఈ మూవీ నుండి మొదటి సాంగ్ రిలీజ్ చేయడానికి సన్నాహాలు చేస్తున్నారు.

మ్యూజిక్ డైరెక్టర్ రామ్ మిరియాల కంపోజ్ చేసిన ''సిలకా'' అనే సాంగ్ ను మార్చి 15న విడుదల చేయనున్నారు. ఆ పాటను రామ్ మిరియాల పాడటంతో పాటు ఇందులో డాన్స్ మాస్టర్ రఘుతో కలిసి చిందేయబోతున్నాడు. ఆ సాంగ్ ను సోమవారం రిలీజ్ చేయబోతున్నారు. ఓ ఇంట్రెస్టింగ్ పోస్టర్ తో చిత్ర యూనిట్ దీనికి సంబంధించిన అనౌన్స్ మెంట్ ఇచ్చింది. ఈ పోస్టర్ లో హీరో ఆనంద్ దేవరకొండ హీరోయిన్ గీత్ సాయిని పెళ్లి దుస్తుల్లో ఉండగా.. రామ్ మిరియాల - రఘు మాస్టర్ బ్యాండ్ వేళం వాయిస్తూ కనిపిస్తున్నారు. వీళిద్దరూ చమన్ బ్రదర్స్ గా ఈ సాంగ్ లో కనిపిస్తారని తెలుస్తోంది. ఈ చిత్రానికి హెస్టిన్ జోస్ జోసెఫ్ సినిమాటోగ్రఫీ అందిస్తుండగా.. నీల్ సెబాస్టియన్ ఆర్ట్ డైరెక్టర్ గా వ్యవహరిస్తున్నారు. రవితేజ గిరిజాల ఎడిటింగ్ వర్క్ చేస్తున్నారు. ఈ చిత్రంలో సునీల్ - నరేష్ - హర్షవర్థన్ - గిరిధర్ - కిరీటి - భద్రం - వైవా - హర్ష - అభిజిత్ - అజయ్ - సుదర్శన్ - శరణ్య తదితరులు నటిస్తున్నారు.