రచ్చలేపుతున్న నవదీప్-చాందిని కిస్సులు!

షార్ట్ ఫిలిమ్స్ చూసేవారికి చాందిని చౌదరి పేరును పరిచయం చెయ్యనవసరం లేదు. వైజాగ్ బ్యూటీ అయిన ఈ భామ టాలీవుడ్ ఎంట్రీ కూడా ఇచ్చింది కానీ బ్రేక్ దక్కలేదు. చాందిని మొదటి నుంచి గర్ల్ నెక్స్ట్ డోర్ టైపు. మోడరన్ డ్రెస్సులలో కనిపించినా డీసెన్సీ లెవల్ మాత్రం ఎప్పుడూ దాటదు.  బోల్డ్ యాక్టింగుకు కూడా దూరమే. అయితే తాజాగా చాందిని అందరికీ ఒక్కసారిగా షాక్ ఇచ్చింది.

కొత్త ఓటీటీ ప్లాట్ ఫామ్ 'ఆహా' లో 'మస్తి' అనే వెబ్ సీరీస్ ను స్ట్రీమింగ్ చేస్తున్నారు. ఈ వెబ్ సీరీస్ హాటు దబిడిదిబిడి. ఈ వెబ్ సీరీస్ రూపకర్త.. నిర్మాత క్రిష్.  ఈ వెబ్ సీరీస్ లో నవదీప్.. హేబా పటేల్.. బిందు మాధవి.. రాజా చెంబోలు.. చాందిని చౌదరి కీలక పాత్రల్లో నటిస్తున్నారు.  ఇందులో నవదీప్.. చాందిని చౌదరి మధ్య వచ్చే హాటు లిప్పులాకులు వీక్షకులను షాక్ కు గురి చేస్తున్నాయట. ఇవి ఏదో తూతూమంత్రం అన్నట్టుగా పెదవులు ఆలా తాకించి లిప్ లాక్ అయిపోయింది అనే వ్యవహారం కాదు. ఇద్దరూ లిప్ లాక్స్ పై రీసెర్చ్ చేస్తున్న ప్రేమ తత్వవేత్తల తరహలో రెచ్చిపోతున్నారట.  ఈ కిస్సులు తాజా సంచలనంగా మారాయి. 

ఈ వెబ్ సీరీస్ లో కథానుసారం నవదీప్ ఒక వివాహితుడు.  ఒక బార్ లో పనిచేసే పెళ్లి కాని కుర్ర భామ చాందినితో నవదీప్ ప్రేమాయణం నడుపుతాడు. ఏదైతేనేం.. మన తెలుగు వెబ్ సీరీసులు కూడా ఘాటుగా ఉంటున్నాయి. హిందీ వెబ్ సీరీసులతో పోటీపడే ప్రయత్నాలు చేస్తున్నాయి. ఆ ప్రయత్నాలలో భాగంగా వేస్తున్న బుడిబుడి అడుగులే ఈ ఘాటు లిప్పు లాకులు.