అది 150 ఎలా అవుద్దీ? అస్సలు కాదు...

రామ్ చరణ్ మూవీలో మెగాస్టార్ గెస్ట్ రోల్ చేస్తున్నారు. ఇప్పటికే ఈ విషయం కన్ఫాం అయింది. చిరంజీవి బర్త్ డేకి ముందే తన 150వ చిత్రం ఏంటో చెప్పేశారు. ఇందులో ఫ్యాన్స్ కి కాస్త ఊరటనిచ్చే విషయం ఏంటంటే... తండ్రీకొడుకులిద్దరూ కలిసి డ్యాన్సులు, ఫైట్లు చేస్తారు. బాగానే ఉంది కానీ.. ఈ సినిమాలో చరణ్ చేస్తున్నది ఫైటర్, డూప్ కేరక్టర్. అందుకే రాణా, నాగ్ వంటి ఇతర హీరోలు కూడా ఇలా కనిపించి అలా వెళ్లిపోయే కేరక్టర్స్ చేస్తున్నారు.

ఇప్పుడు చిరంజీవి కూడా... ఈ సినిమాలో తన రియల్ లైఫ్ కేరక్టర్ మెగాస్టార్ రోల్ నే పోషిస్తారని అర్ధం చేసుకోవచ్చు. కాకపోతే మిగతా స్టార్స్ మాదిరిగా కాకుండా... కాస్త పెద్ద రోల్ చేసే ఛాన్స్ ఉంటుంది. డ్యాన్స్, ఫైట్ జోడించి ఉంటారు చిరు కోసం. అలా అని ఇదే 150వ సినిమా అనుకోమంటే ఎలా? మనం  రోజూ చిరంజీవిని చిరంజీవిలా టివిలో చూస్తాం. దాన్ని సినిమా అనలేం కదా.. అలాగే ఇది కూడా.. సినిమాలో కూడా ఆయన మెగాస్టార్‌ చిరంజీవిగానే కనిపిస్తారంతే. సినిమా కథకు, మెగాస్టార్ కు లింక్ కూడా ఉండే అవకాశం లేదు. కేవలం తండ్రీకొడుకుల పెర్ఫామెన్స్ కలిపి చూపించడం కోసం సృష్టించిన సీన్స్ కావచ్చు.

అలా అయితే... లారెన్స్ చేసిన స్టైల్ సినిమాలోనూ చిరంజీవి.. తన ఓన్ కేరక్టర్ చేసి, ఓ ఫైట్ కూడా చేసి వెళ్లిపోతారు. ఇప్పుడు చెర్రీ మూవీలో కూడా ఇలాంటి సీనే... కాస్త లెంగ్తీగా ఉంటుందని భావించచ్చు. అలాగని ఇదే నా 150వ సినిమా అనుకోమంటే ఎలా ? ఏడేళ్లుగా అన్నయ్య వస్తాడు, ఇరగదీస్తాడు అని ఎదురు చూసిన ఫ్యాన్స్ ఫీలింగ్స్ ని కాస్త అర్ధం చేసుకోవాలి కదా.