మెగాస్టార్ పక్కన సీనియర్ స్టార్ డాటర్?

మెగాస్టార్ చిరంజీవి 150వ సినిమా.. ఖైదీ నంబర్ 150 తన టార్గెట్ ను రీచ్ అయింది. ఇండస్ట్రీ రికార్డులనే టార్గెట్ చేసిన ఈ చిత్రం.. చాలా ఏరియాస్ లో ఆల్ టైం రికార్డులు.. మిగిలిన ప్రాంతాల్లో నాన్ బాహుబలి రికార్డులను సొంతం చేసుకుంది. మొత్తం మీద తెలుగు కమర్షియల్ సినిమా 100 కోట్లను అందుకోవడం అంటే.. అది తనకు మాత్రమే సాధ్యమయ్యే మేటర్ అని ప్రూవ్ చేసేశారు చిరు.

ఖైదీ నంబర్ 150 సినిమాకి హీరోయిన్ విషయంలో తర్జన భర్జనలు జరిగిన సంగతి తెలిసిందే. అందుకే 151వ సినిమా కోసం ముందు నుంచే హీరోయిన్ ను ఫైనలైజ్ చేసే పనిలో పడ్డాడు నిర్మాత రామ్ చరణ్. అనుష్కను హీరోయిన్ గా తీసుకోవాలని అనుకుంటున్నారనే టాక్ ఉంది కానీ.. ఇప్పుడు కొత్త పేరు వినిపిస్తోంది. విశ్వ నటుడు కమల్ హాసన్ కూతురు.. శృతి హాసన్ ను మెగా 151లో హీరోయిన్ గా ఫైనల్ చేసేందుకు ప్రయత్నాలు జరుగుతున్నాయట. రీసెంట్ గా రిలీజ్ అయిన ఎస్3.. ఓం నమో వెంకటేశాయ చిత్రాల్లో అనుష్క లుక్ ఎవరినీ మెప్పించలేకపోవడమే ఇందుకు ఆమెను తప్పించడానికి కారణంగా తెలుస్తోంది.

ఇంతకీ అసలు 151గా తెరకెక్కే ప్రాజెక్ట్ ఏది అనే విషయంపై ఇప్పటవరకూ క్లారిటీ ఇవ్వలేదు. అయితే స్వాతంత్ర్య సమరయోధుడు ఉయ్యాలవాడ నరసింహా రెడ్డి ప్రాజెక్టుకు.. చిరు అండ్ చరణ్ ఫిక్స్ అయిపోయారని టాక్. పైగా చిరు పక్కన శృతి హాసన్ నప్పుతుందా అనే డౌట్స్ వినిపిస్తుండగా.. చారిత్రక చిత్రంలో డిఫరెంట్ మేకప్స్ ఉంటాయ్ కాబట్టి.. ఇదేమంత పెద్ద మ్యాటర్ కాదని భావిస్తున్నారట చిరు అండ్ టీం.


Like Us on Facebook : https://www.facebook.com/Tupakidotcom/