#ఉప్పెన‌.. మేన‌ల్లుడి సెల‌బ్రేష‌న్ లో చిరు -చ‌రణ్ చిలౌట్

మెగాస్టార్ చిరంజీవి దివ్యాశిస్సుల‌తో మెగా మేన‌ల్లుడు వై‌ష్ణ‌వ్ తేజ్ ఘ‌నంగా లాంచ్ అయిన సంగ‌తి తెలిసిందే. వైష్ణ‌వ్ డెబ్యూ గ్రాండ్ స‌క్సెసైంది. ఉప్పెన రిలీజైన రెండు రోజుల్లో 19కోట్లు వ‌సూలు చేయ‌డం హాట్ టాపిక్ గా మారింది. తొలి వీకెండ్ నాటికే సేఫ ప్రాజెక్టుగా చ‌ర్చ‌ల్లోకొచ్చింది. ఇక డెబ్యూ హీరోల్లో ది బెస్ట్ అని నిరూపించాడు వైష్ణ‌వ్.

ఓవైపు క్రైసిస్ కొన‌సాగుతున్నా ఉప్పెన ఇంత పెద్ద స‌క్సెస్ సాధించ‌డం మైత్రి మూవీ మేక‌ర్స్ బృందంలో ఆనందం వెల్లివిరుస్తోంది. ఇక డెబ్యూ డైరెక్ట‌ర్ బుచ్చి బాబు స‌నా ని ఆకాశానికెత్తేస్తున్నారంతా.

ఇదిగో ఇప్పుడు మెగాస్టార్ చిరంజీవి .. మెగా ప‌వ‌ర్ స్టార్ రామ్ చ‌ర‌ణ్ స‌మ‌క్షంలో ఉప్పెన సంబ‌రాలు పీక్స్ కి చేరుకున్నాయ‌న‌డానికి ఈ గ్రూప్ ఫోటోనే సాక్ష్యం. సుకుమార్ రైటింగ్స్ అధినేత‌ సుకుమార్ స‌హా మైత్రి అధినేత‌ల ముఖాలు ట్యూబ్ లైట్లులా వెలుగుతున్న తీరే ఈ స‌క్సెస్ కి సింబాలిక్ అని చెప్పాలి. ఇక మెగా కాంపౌండ్ హీరోలంద‌రినీ మైత్రి సంస్థ లాక్ చేసి వ‌రుస సినిమాల‌తో మోతెక్కిస్తున్న సంగ‌తి తెలిసిన‌దే.