ఎనర్జీ హీరోకి క్రేజీ రికార్డ్

ఈ మధ్య కాలంలో యంగ్ హీరో రామ్ కు మంచి బ్రేక్ నిచ్చిన సినిమా నేను.. శైలజ. వరస ఫ్లాపులతో రామ్ సతమతమవుతున్న సమయంలో సూపర్ హిట్ లభించింది. ప్రేమ - సెంటిమెంట్ మేళవింపుతో కిషోర్ తిరుమల స్టోరీ తీర్చిదిద్దిన తీరు ప్రేక్షకులకు బాగా నచ్చింది. రామ్ కూడా ఈ సినిమాలో రొటీన్ స్టైల్ కు భిన్నంగా కనిపించడం ప్లస్సయ్యింది.  ఈ సినిమా ద్వారానే తెలుగు తెరకు పరిచయమైన కీర్తి సురేష్ స్టార్ హీరోయిన్ స్టేటస్ కు చేరుకుంది.

నేను శైలజ సినిమాలో పాటలన్నీ మ్యూజికల్ హిట్టయ్యాయి. ఇప్పటికీ చాలామంది సెల్ ఫోన్లలో ఈ సినిమా పాటలు రింగ్ టోన్లుగా వినిపిస్తున్నాయి. ఈ సినిమాలోని పాటల్లో క్రేజీ క్రేజీ ఫీలింగ్ ఇప్పుడో అరుదైన రికార్డు సొంతం చేసుకుంది. క్రేజీ క్రేజీ ఫీలింగ్ పాటను యూట్యూబ్ లో 3 కోట్ల మంది వీక్షించారు. తెలుగు పాటల్లో ఇదొక అరుదైన రికార్డని చిత్ర నిర్మాత స్రవంతి రవికిషోర్ చెప్పారు. ఈ స్థాయి రికార్డు సాధించడం ఆనందంగా ఉందన్నారు.  కెరీర్ లో తనకు మంచి బ్రేక్ నిచ్చిన కిషోర్ తిరుమలతో మరో సినిమా చేస్తున్నాడు రామ్. పి.వి.ఆర్. సినిమాస్ తో కలిసి స్రవంతి మూవీస్ సంయుక్తంగా ఈ మూవీ నిర్మిస్తోంది.

రామ్ లేటెస్ట్ సినిమా హైపర్ సినిమా నిరాశ పరచడంతో కిషోర్ తిరుమలతో చేస్తున్న సినిమాపైనే ఫోకస్ చేశాడు. ఈ సినిమాలో అనుపమ పరమేశ్వరన్ - మేఘా ఆకాష్ హీరోయిన్లుగా నటిస్తున్నారు. నేను శైలజతో సూపర్బ్ మ్యూజిక్ అందించిన దేవీశ్రీ ప్రసాద్  ఈ సినిమాకు కూడా మ్యూజిక్ అందిస్తున్నారు. సో.. మరోసారి ఈ టీం తమ మేజిక్ రిపీట్ చేయడానికి రెడీ అయిపోతుందన్న మాట.

Like Us on Facebook : https://www.facebook.com/Tupakidotcom/