జంధ్యాల .. ఈవీవీ తరువాత ఆ స్థాయిలో ప్రేక్షకులను నవ్వించింది శ్రీను వైట్లనే అని చెప్పాలి. యాక్షన్ తో పాటు కామెడీని కలిపి ఆయన అందించిన తీరు ప్రేక్షకులకు విపరీతంగా నచ్చేసింది. శ్రీను వైట్ల సినిమాల్లో కామెడీ ఎపిసోడ్లు హైలైట్ గా నిలిచేవి. అంతగా ఆయనకి కామెడీపై పట్టుంది. అలాంటి శ్రీను వైట్లకి కొంతకాలంగా పరాజయాలు ఎదురవుతూ వచ్చాయి. దాంతో సహజంగానే ఆయన జోరు తగ్గుతూ వచ్చింది. తాజా ఇంటర్వ్యూలో ఆయన మాట్లాడుతూ, తన సినిమా విషయాలను ముచ్చటించారు.
"నాకు గ్యాప్ వచ్చిందని అనుకుంటున్నారు .. కానీ అందులో నిజం లేదు. కరోనా కారణంగానే వెంటనే నేను సెట్స్ పైకి వెళ్లలేకపోయాను. 'డి అండ్ డి' కాకుండా ఈ లాక్ డౌన్ సమయంలో మరో రెండు స్క్రిప్టులను కూడా రెడీ చేసుకున్నాను. ఈ సినిమాలకి నిర్మాతలు కూడా సిద్ధంగానే ఉన్నారు. ముందుగా అనుకున్న ప్రకారమే అయితే ఈ నెలలోనే 'డి అండ్ డి' సెట్స్ పైకి వెళ్లవలసి ఉంది. కానీ వచ్చేనెల 2వ వారం తరువాత పట్టాలెక్కే అవకాశాలు ఉన్నాయి. మంచు విష్ణుతో ఈ సినిమా ఉంటుంది.
'ఢీ' సినిమా పూర్తిస్థాయి వినోదభరితం చిత్రం. 'డి అండ్ డి' సినిమా అంతకు మించిన ఎంటర్టైన్ మెంట్ ను ఇస్తుంది. అందుకనే 'డబుల్ డోస్' అనే క్యాప్షన్ పెట్టాము. ఈ సినిమా తరువాత పెద్ద గ్యాప్ లేకుండానే మిగతా రెండు సినిమాలు ఉంటాయి. ఆ కథలను బట్టి ఏ హీరో సెట్ అవుతాడనేది చూసి ఆ హీరోలను సంప్రదిస్తాను. ఈ మూడు కథలు కూడా నాన్ స్టాప్ గా నవ్వించేవే. గతంలో నా నుంచి ప్రేక్షకులు ఎలాంటి సినిమాలు కోరుకునేవారో, అలాగే ఈ సినిమాలు ఉంటాయి" అని చెప్పుకొచ్చారు.
"నాకు గ్యాప్ వచ్చిందని అనుకుంటున్నారు .. కానీ అందులో నిజం లేదు. కరోనా కారణంగానే వెంటనే నేను సెట్స్ పైకి వెళ్లలేకపోయాను. 'డి అండ్ డి' కాకుండా ఈ లాక్ డౌన్ సమయంలో మరో రెండు స్క్రిప్టులను కూడా రెడీ చేసుకున్నాను. ఈ సినిమాలకి నిర్మాతలు కూడా సిద్ధంగానే ఉన్నారు. ముందుగా అనుకున్న ప్రకారమే అయితే ఈ నెలలోనే 'డి అండ్ డి' సెట్స్ పైకి వెళ్లవలసి ఉంది. కానీ వచ్చేనెల 2వ వారం తరువాత పట్టాలెక్కే అవకాశాలు ఉన్నాయి. మంచు విష్ణుతో ఈ సినిమా ఉంటుంది.
'ఢీ' సినిమా పూర్తిస్థాయి వినోదభరితం చిత్రం. 'డి అండ్ డి' సినిమా అంతకు మించిన ఎంటర్టైన్ మెంట్ ను ఇస్తుంది. అందుకనే 'డబుల్ డోస్' అనే క్యాప్షన్ పెట్టాము. ఈ సినిమా తరువాత పెద్ద గ్యాప్ లేకుండానే మిగతా రెండు సినిమాలు ఉంటాయి. ఆ కథలను బట్టి ఏ హీరో సెట్ అవుతాడనేది చూసి ఆ హీరోలను సంప్రదిస్తాను. ఈ మూడు కథలు కూడా నాన్ స్టాప్ గా నవ్వించేవే. గతంలో నా నుంచి ప్రేక్షకులు ఎలాంటి సినిమాలు కోరుకునేవారో, అలాగే ఈ సినిమాలు ఉంటాయి" అని చెప్పుకొచ్చారు.