మూడో రోజుకే సెంచరీ కొట్టిన దంగల్

బాలీవుడ్ మిస్టర్ పర్ఫెక్షనిస్ట్ ఆమిర్ ఖాన్ మూవీ దంగల్.. ఆశించిన స్థాయిలో రికార్డులు సృష్టిస్తోంది. ఆడియన్స్ నుంచి వస్తున్న అద్భుతమైన టాక్.. రోజు రోజుకు ఈ మూవీ కలెక్షన్స్ పెరగడానికి హెల్ప్ అవుతోంది. ప్రధానంగా క్రిస్మస్ వీకెండ్ కావడంతో.. రోజురోజుకూ కలెక్షన్స్ పెరుగుతున్నాయి. ప్రధానంగా ఇండియా వైడ్ గా వసూళ్లు పెరుగుతున్న తీరు ఆశ్చర్యం కలిగిస్తోంది.

డీమానిటైజేషన్ తో ఫైట్ చేస్తూ దూసుకుపోతున్న దంగల్.. మొదటి రోజున 29.78 కోట్ల వసూళ్లను సాధించింది. శనివారం నాడు 34.82 కోట్లు కొల్లగొట్టి రికార్డ్ సృష్టించింది. ఇక క్రిస్మస్ పండుగ రోజు.. ఆదివారం నాడైతే ఏకంగా 41.25  కోట్లను (తెలుగు తమిళ్ కలిపితే 42.35 కోట్లు)వసూలు చేసి చరిత్ర సృష్టించేసింది. మొత్తంగా ఇప్పటివరకూ హిందీ.. తెలుగు.. తమిళ్ వెర్షన్స్ కు కలిపి 106.95 కోట్లను సాధించింది దంగల్. రెండో రోజు కంటే ఆదివారం నాటికి 20 శాతం బిజినెస్ పెరగడం అంటే.. ఆమిర్ ఖాన్ సామర్ధ్యం ఏంటో తెలుస్తుంది.

అయితే.. న్యూ ఇయర్ వచ్చే వరకూ ఈ వారంలో సెలవలేవీ లేకపోవడం.. దంగల్ కు మైనస్ పాయింట్ గా చెప్పాలి. నెక్ట్స్ వీకెండ్ ఎలాగూ మంచి వసూళ్లు వస్తాయ్ కానీ.. ఈ మధ్యలో దంగల్ కలెక్షన్స్ ఎలా ఉంటాయని ట్రేడ్ వర్గాలు ఆసక్తిగా ఎదురుచూస్తున్నాయి. మరోవైపు ఇప్పటికే పైరసీ ప్రింట్ నెట్ లోకి వచ్చేయడం కూడా కలెక్షన్స్ పై ప్రభావం చూపే అవకాశాలున్నాయని ట్రేడ్ జనాలు అంటున్నారు.

Like Us on Facebook : https://www.facebook.com/Tupakidotcom/