పవన్‌.. హరీష్‌ ల మూవీపై ఆసక్తికర కామెంట్స్ చేసిన దేవిశ్రీ

పవన్‌ కళ్యాణ్‌ హీరోగా వరుసగా సినిమాలు కమిట్ అయిన విషయం తెల్సిందే. పవన్‌ 28వ సినిమాను హరీష్‌ శంకర్‌ దర్శకత్వంలో చేయబోతున్నాడు. ఇప్పటికే అందుకు సంబంధించిన అధికారిక ప్రకటన వచ్చింది. భారీ స్థాయిలో అంచనాలున్న ఈ సినిమాను ఈ ఏడాదిలో ప్రారంభించేందుకు సిద్దం అవుతున్నారు. కొత్త సంవత్సరం సందర్బంగా పవన్‌ కళ్యాణ్‌ ను దర్శకుడు హరీష్‌ శంకర్‌ కలిశాడు. ఈ సందర్బంగా సుదీర్ఘ సమయం పాటు చర్చించినట్లుగా హరీష్‌ తన ట్విట్టర్ లో పేర్కొన్నాడు. ఆ ట్వీట్‌ కు సమాధానంగా దేవి శ్రీ ప్రసాద్‌ స్పందించాడు.

మైత్రి మూవీ మేకర్స్‌ బ్యానర్‌ లో రూపొందబోతున్న ఈ సినిమాను ఎప్పుడెప్పుడు మొదలు పెడతారా అంటూ అంతా ఆసక్తిగా ఎదురు చూస్తున్నారు. దేవి శ్రీ ప్రసాద్‌ కూడా ఈ సినిమా కోసం వెయిటింగ్‌ చేస్తున్నట్లుగా పేర్కొన్నాడు. ట్విట్టర్ లో దేవిశ్రీ.. వావ్ సర్‌ జీ.. మీరు ఇంతకు ముందు చెప్పిన కొన్ని అద్బుతమైన సీన్స్‌ తో ఎప్పుడెప్పుడు మీ కాంబోలో సినిమా వస్తుందా అంటూ ఎదురు చూస్తున్నాను. తప్పకుండా సూపర్‌ డూపర్‌ గా ఉండేలా హరీష్‌ శంకర్‌ సినిమా ఉండబోతుంది అనేది దేవి శ్రీ ట్వీట్ సారాంశం.

వకీల్ సాబ్‌ కు గుమ్మడి కాయ కొట్టిన పవన్ కళ్యాణ్‌ తదుపరి అయ్యప్పనుమ్‌ కోషియుమ్‌ సినిమా రీమేక్‌ ను చేయబోతున్నాడు. ఆ సినిమా తర్వాత క్రిష్‌ మూవీ ఆ తర్వాత హరీష్‌ శంకర్‌ మూవీ చేసే అవకాశం ఉందంటున్నారు. సినిమాకు రెండు మూడు నెలల కంటే ఎక్కువ సమయం తీసుకోకుండా పవన్ పూర్తి చేసే పనిలో ఉన్నాడు. కనుక హరీష్‌ శంకర్‌ మూవీ మరీ ఎక్కువ సమయ ఏమీ పట్టక పోవచ్చు అంటున్నారు. వచ్చే ఏడాదిలో వీరిద్దరి కాంబో మూవీ వచ్చే అవకాశం ఉందంటున్నారు.