బెస్ట్ వర్క్ సరే.. హీరోకి బెస్ట్ హిట్ ఇస్తాడా..?

సూపర్ హిట్ కాంబో రిపీట్ అయితే అదే రిజల్ట్ ఆశించడం కామనే. ముఖ్యంగా ఫ్లాపుల్లో ఉన్న హీరోతో ఒక హిట్ డైరెక్టర్ సినిమా చేస్తే దానికి బజ్ ఎలా ఉంటుందో తెలిసిందే. అలాంటి హిట్ కాంబోలోనే వస్తున్న సినిమా రాబిన్ హుడ్. మైత్రి మూవీ మేకర్స్ నిర్మిస్తున్న ఈ సినిమాలో నితిన్ హీరోగా నటిస్తుండగా అతనికి జోడీగా శ్రీలీల నటిస్తుంది. డిసెంబర్ చివర్లో క్రిస్ మస్ కి రిలీజ్ చేస్తున్న ఈ సినిమా నుంచి లేటెస్ట్ గా ఫస్ట్ సాంగ్ రిలీజ్ చేశారు.

ఈ సినిమా సాంగ్ రిలీజ్ కార్యక్రమంలో డైరెక్టర్ వెంకీ కుడుముల సినిమాపై తన కాన్ఫిడెన్స్ ఏంటన్నది చెప్పారు. తాను చేసిన సినిమాల్లో ఈ సినిమాకు బెస్ట్ వర్క్ చేశానని అన్నారు. రాబిన్ హుడ్ కచ్చితంగా ప్రేక్షకులను మెప్పిస్తుందని అన్నారు. ఐతే వెంకీ కుడుముల మాట ప్రకారం అతని బెస్ట్ ఇచ్చాడు సరే కానీ హీరోకి బెస్ట్ హిట్ అవుతుందా లేదా అన్నది చూడాలి.

ఛలోతో డైరెక్టర్ గా తొలి సినిమానే హిట్ అందుకున్న వెంకీ కుడుముల నెక్స్ట్ నితిన్ తో భీష్మ అంటూ మరో సక్సెస్ అందుకున్నాడు. నితిన్ కి కూడా భీష్మ సక్సెస్ మంచి కిక్ ఇచ్చింది. ఆ తర్వాత ఆ రేంజ్ హిట్ మళ్లీ పడలేదు. అందుకే మళ్లీ వెంకీతోనే నితిన్ రాబిన్ హుడ్ అనే సినిమా చేస్తున్నాడు. ఈ సినిమాలో నితిన్ ఒక దొంగగా కనిపించనున్నాడు.

నితిన్ సరసన శ్రీలీల ఆల్రెడీ ఎక్స్ ట్రాడినరీ మ్యాన్ సినిమాలో నటించింది. ఆ సినిమా డిజాస్టర్ కాగా మళ్లీ ఈ జోడీ కలిసి రాబిన్ హుడ్ లో కలిసి నటిస్తున్నారు. ఈ సినిమాతో పాటు నితిన్ తమ్ముడు సినిమా చేస్తున్నాడు. వేణు శ్రీరాం డైరెక్షన్ లో తెరకెక్కుతున్న ఈ సినిమాలో ఒకప్పటి హీరోయిన్ లయ కూడా ఇంపార్టెంట్ రోల్ లో నటిస్తున్నారు.

ఇదే కాకుండా నితిన్ బలగం వేణుతో ఎల్లమ్మ సినిమాను కూడా చేస్తున్నాడని తెలుస్తుంది. ఈమధ్యనే దిల్ రాజు ఈ సినిమాను కన్ఫర్మ్ చేశారు. సో రాబిన్ హుడ్, తమ్ముడు, ఎల్లమ్మ ఇలా వరుస క్రేజీ సినిమాలతో నితిన్ పర్ఫెక్ట్ గా సెట్ చేసుకున్నాడు. రాబిన్ హుడ్ ఈ డిసెంబర్ కు వచ్చి ప్రేక్షకులను ఎంటర్టైన్ చేయాలని చూస్తుంది. మరి ఛలో, భీష్మ తర్వాత థర్డ్ మూవీగా వస్తున్న రాబిన్ హుడ్ డైరెక్టర్ గా వెంకీకి హ్యాట్రిక్ హిట్ అందిస్తుందా లేదా అన్నది చూడాలి.