చిరు అండ్ నాగ్ కాదు.. అతనే హీరో

కోలీవుడ్ స్టార్ హీరో ధనుష్ ఎలాంటి సినిమా చేసినా అందులో ఎదో ఒక ప్రత్యేకత ఉంటుంది అని అందరికి తెలిసిన విషయమే. అయితే ఈ మల్టీ టాలెంటెడ్ హీరో డైరెక్షన్ లో కూడా ది బెస్ట్ అని మొదటి సినిమాతోనే నిరూపించుకున్నాడు. అలాగే రచయిత గా కూడా మంచి మార్కులే కొట్టేశాడు. అయితే ఇప్పుడు ధనుష్ రెండవ సారి డైరెక్షన్ లోకి అడుగుపెట్టడానికి సిద్ధమయ్యాడు.

కోలీవుడ్ కి చెందిన ప్రముఖ నిర్మాణ సంస్థ  తేనండల్  ప్రొడక్షన్ లో ధనుష్ ఒక భారీ బడ్జెట్ సినిమాని చేయడానికి ఒప్పుకున్నాడు. గత ఏడాది స్క్రిప్ట్ విన్న ఆ ప్రొడక్షన్ వారు సింగిల్ సిట్టింగ్ లో ఒకే చేశారట. అయితే ధనుష్ సినిమాలో లీడ్ రోల్ పాత్రకు ముందుగా టాలీవుడ్ వైపు సెర్చ్ చేశాడు. మెగాస్టార్ చిరంజీవి కి అలాగే నాగార్జున కి కథ వినిపించడంతో వారు ఒప్పుకున్నారని గతంలో వార్తలు వచ్చాయి. కానీ అధికారికంగా అయితే ఆ న్యూస్ నిర్దారణ కాలేదు.

అయితే ఇప్పుడు కన్నడ స్టార్ హీరో ధనుష్ కథలో కథానాయకుడిగా కనిపించడానికి గ్రీన్ సిగ్నల్ ఇచ్చేశాడు. కన్నడ స్టార్ హీరో సుదీప్ కిచ్చా రీసెంట్ గా ధనుష్ చెప్పిన కాన్సెప్ట్ బాగా నచ్చడంతో ఎప్పుడు స్టార్ట్ చేద్దామని అడిగేశాడాట. అందుకు సంబంధించిన వార్తలు ప్రస్తుతం సోషల్ మీడియాలో అలాగే కోలీవుడ్ మిడియలో హాట్ టాపిక్ గా మారాయి. సుదీప్ పాత్రకు తగ్గట్టు ధనుష్ ఒక స్పెషల్ గెటప్ ని కూడా సెట్ చేశాడట. ప్రస్తుతం ప్రీ ప్రొడక్షన్ పనులను స్టార్ట్ చేయడంలో నిర్మాతలు చాలా బిజీ అయినట్లు తెలుస్తోంది. మరి ఆ సినిమా ఎప్పుడు స్టార్ట్ అవుతుందో చూడాలి.