షాకిస్తున్న ఎన్టీఆర్ టాట్టూ

ఎన్టీఆర్ జీవితంలో బ‌య‌టి ప్ర‌పంచానికి తెలియ‌ని ర‌హ‌స్యాలున్నాయా? అంటే కొన్ని ఉన్నాయ‌ని ఇదివ‌ర‌కూ క‌లెక్ష‌న్ కింగ్ మోహ‌న్ బాబు అన్నారు. అలాగే ఎన్టీఆర్ కుడిచేతి పై టాట్టూ ఉందా? అంటే నేటి జ‌న‌రేష‌న్ కే కాదు, నాటి జ‌న‌రేష‌న్ కైనా తెలుసో తెలీదో అన్న ఆస‌క్తిక‌ర చ‌ర్చ సాగుతోంది. ఎన్టీఆర్ చిత్ర‌ బృందం తాజాగా రివీల్ చేసిన కొత్త పోస్ట‌ర్ ఎన్నో సందేహాల్ని రేకెత్తించింది. పోస్ట‌ర్‌ లో ఎన్టీఆర్ కుడి చేతి పై టాట్టూ ఆక‌ట్టుకుంటోంది. ఈ టాట్టూ ఇప్పుడు టాలీవుడ్ లో పెద్ద డిబేట్ కి తావిచ్చింది.

అయితే ఎన్టీఆర్ జీవితంలో తెలియ‌ని సీక్రెట్స్ కూడా బ‌యోపిక్ లో జ‌నం చూడ‌బోతున్నారు.  కేవ‌లం ఒక్క టాట్టూ మాత్ర‌మే కాదు.. ఆయ‌న గొప్ప చిత్ర‌కారుడు అన్న సంగ‌తి ఎంద‌రికో తెలీదు కూడా.. ఎన్టీఆర్‌ పెయింటింగ్ అద్భుతంగా చేస్తారు. అందుకు సంబంధించిన పోస్ట‌ర్ ని ఇదివ‌ర‌కూ రిలీజ్ చేశారు. ఆ పోస్ట‌ర్ లో తేదేపా - సైద్ధాంతిక విధానం పైనా, రైతు బాంధ‌వ్య‌త‌కు సింబాలిక్‌ గా.. నాగ‌లి గుర్తు (పార్టీ లోగో సింబ‌ల్‌) క‌నిపించింది. అది డిజైన్ చేసిన చిత్ర‌కారుడు ఎన్టీఆర్.

ఇక‌పోతే అన్న‌గారి కుడిచేతి పై ఆ టాట్టూ అప్ప‌ట్లో నిజంగా ఉన్న‌దేనా?  లేక సినిమాటిక్ లిబ‌ర్టీతో క్రిష్ బృందం స‌ర్ ప్రైజ్ ప్లాన్ చేసిందా? అన్న‌ది తెలియాల్సి ఉంది. ఏదేమైనా ఈ పోస్ట‌ర్ చూశాక‌ లార్డ్ కృష్ణ టాట్టూ వేయించుకున్నారా? అంటూ ఇండ‌స్ట్రీలో ఆస‌క్తిక‌ర చ‌ర్చ సాగుతోంది. వ‌ర్షంలో త‌డుస్తూ సూట్ కేసు ప‌ట్టుకుని ఎంతో ఆత్రంగానే వెళుతున్నారు ఎన్టీఆర్. చొక్కా మ‌డ‌త మాటున ఆ టాట్టూ బ‌య‌ట‌ప‌డింది. మొత్తానికి ఈ ఒక్క టాట్టూ బోలెడంత క్యూరియాసిటీని పెంచుతోంది. అది ఒరిజిన‌ల్ టాట్టూనా.. పెట్టుడు టాట్టూనా? అన్న ఆస‌క్తిక‌ర చ‌ర్చ సాగుతోంది. ఎన్టీఆర్ గురించి ఎంతో తెలుసు.. అంతా తెలుసు అనుకునేవాళ్ల‌కు కూడా ముచ్చెమ‌ట‌లు ప‌ట్టే కొన్ని కొత్త విష‌యాలు సినిమా చూస్తే తెలుస్తుంద‌ట‌. ఇక ప‌రిశ్ర‌మ‌లో నాగార్జున‌, నాగ‌చైత‌న్య‌తో పాటు త్రిష‌, న‌య‌న్ వంటి నాయిక‌లు ఒరిజిన‌ల్ టాట్టూల‌తో క‌నిపించిన సంగ‌తి తెలిసిందే.