దిల్ రాజును జడ్జిమెంట్ కింగ్ అంటారు టాలీవుడ్ లో. మధ్యలో ఆ పేరు కొంచెం డ్యామేజ్ అయినా ఈ మధ్య మళ్లీ ఆయన హ్యాండ్ పవర్ కనిపిస్తోంది. ఈ ఏడాది ఆరంభంలో ‘పటాస్’ దగ్గర్నుంచి ఆయన దశ తిరిగింది. ఆ సినిమా ప్రివ్యూ షో చూసి కాన్ఫిడెంట్ గా కళ్యాణ్ రామ్ చేతిలో అడ్వాన్స్ పెట్టేసి హోల్ సేల్ గా సినిమా కొనేసిన రాజు భారీగా లాభాలు అందుకున్నాడు. తర్వాత ‘బాహుబలి’ నైజాం ఏరియా డిస్ట్రిబ్యూషన్ తోనూ రాజు పంట పండింది. ఇక గత కొన్ని నెలలుగా చిన్న సినిమాల మీద పడ్డాయి రాజు కళ్లు.
సినిమా చూపిస్త మావ - కుమారి 21 ఎఫ్ లాంటి సినిమాల మీద తక్కువ పెట్టుబడి పెట్టి ఎక్కువ లాభాలు అందుకున్న రాజు.. తాజాగా మరో చిన్న సినిమాపై కన్నేశాడు. ఆ సినిమా మరేదో కాదు.. మహేష్ బాబు బావ సుధీర్ బాబు నటించిన ‘భలే మంచి రోజు’. ఈ మధ్యే ప్రివ్యూ చూసిన రాజు మరో ఆలోచన లేకుండా నైజాం ఏరియా రైట్స్ కోసం నిర్మాతల చేతిలో అడ్వాన్స్ పెట్టేశాడట. టీజర్, ట్రైలర్ కూడా ఇంట్రెస్టింగ్ గా ఉండటంతో ఇప్పటికే ‘భలే మంచి రోజు’పై ప్రేక్షకుల్లో మంచి అంచనాలే ఉన్నాయి. ఇక రాజు హ్యాండ్ పడటం ఈ ఆసక్తిని మరింత పెంచేదే. నిర్మాతలు కూడా చాలా హ్యాపీగా ఉన్నారు. కొత్త దర్శకుడు శ్రీరామ్ ఆదిత్య రూపొందించిన ‘భలే మంచి రోజు’ ఈ నెల 25న ప్రేక్షకుల ముందుకు రానుంది.
సినిమా చూపిస్త మావ - కుమారి 21 ఎఫ్ లాంటి సినిమాల మీద తక్కువ పెట్టుబడి పెట్టి ఎక్కువ లాభాలు అందుకున్న రాజు.. తాజాగా మరో చిన్న సినిమాపై కన్నేశాడు. ఆ సినిమా మరేదో కాదు.. మహేష్ బాబు బావ సుధీర్ బాబు నటించిన ‘భలే మంచి రోజు’. ఈ మధ్యే ప్రివ్యూ చూసిన రాజు మరో ఆలోచన లేకుండా నైజాం ఏరియా రైట్స్ కోసం నిర్మాతల చేతిలో అడ్వాన్స్ పెట్టేశాడట. టీజర్, ట్రైలర్ కూడా ఇంట్రెస్టింగ్ గా ఉండటంతో ఇప్పటికే ‘భలే మంచి రోజు’పై ప్రేక్షకుల్లో మంచి అంచనాలే ఉన్నాయి. ఇక రాజు హ్యాండ్ పడటం ఈ ఆసక్తిని మరింత పెంచేదే. నిర్మాతలు కూడా చాలా హ్యాపీగా ఉన్నారు. కొత్త దర్శకుడు శ్రీరామ్ ఆదిత్య రూపొందించిన ‘భలే మంచి రోజు’ ఈ నెల 25న ప్రేక్షకుల ముందుకు రానుంది.