దిశా ప‌టానీ సోద‌రి వృత్తి ఏదో తెలిస్తే షాక్ తింటారు!

ఎంచుకున్న రంగం ఏదైనా అందులో దూసుకుపోవ‌డం కొంద‌రికే సాధ్యం. తాను ఎంచుకున్న రంగంలో దిశా పటానీ టాప్ పొజిష‌న్ కి చేరుకుంటోంది. బాలీవుడ్ లో క‌థానాయిక‌గా దిశా త‌న స్థానాన్ని ప‌దిలం చేసుకుంది. అదే స‌మ‌యంలో త‌న సోద‌రి ఖుష్బూ వేరొక రంగంలో అంతే గొప్ప పొజిష‌న్ కి చేరుకోవ‌డం హాట్ టాపిక్ గా మారింది.

నిజానికి దిశాకు పెద్ద తోబుట్టువు ఉన్నారని చాలా మందికి తెలియదు. ఖుష్బూ పటాని దిశాకు అక్క‌. ఆమె భారత సాయుధ దళాలలో లెఫ్టినెంట్. పటాని సోదరీమణులకు తమ్ముడు సూర్యన్ష్ పటాని కూడా ఉన్నారు.

ఖుష్బూ తరచుగా దిశా టైమ్ లైన్ లో ఉంటుంది. ఆమె ఇన్ స్టాగ్రామ్ లోనూ చురుగ్గా ఉంటుంది. ఇక్క‌డ సిస్ట‌ర్స్ త‌మ వృత్తిగ‌త వ్య‌క్తిగ‌త విష‌యాల్ని షేర్ చేసుకోవ‌డం తెలిసిన‌దే. తాజాగా దిశా సోద‌రి ఖుష్బూ ఆర్మీ దుస్తుల్లో ఉన్న ఫోటోలు షేర్ చేయ‌గా అవి వైర‌ల్ గా మారాయి. ఖుష్బూ దేశానికి సేవ‌లు అందిస్తున్నందుకు దిశా అభిమానులు అభినందిస్తున్నారు. అక్కా చెల్లెళ్లు తాము అనుకున్న రంగాల్లో గొప్ప స్థాయికి చేర‌డంపై ప్ర‌శంస‌లు కురుస్తున్నాయి.

స‌ల్మాన్ `రాధే` సినిమాతో పాటు`ఏక్ విలన్ 2`లోనూ దిశా న‌టిస్తోంది. ద‌ర్శ‌కుడు మోహిత్ సూరితో తిరిగి సెట్లో జాయిన్ అవుతున్నందుకు ఆనందంగా ఉంద‌ని దిశా తాజాగా తెలిపింది. మ‌ళంగ్ త‌ర్వాత ఈ జోడీ మ‌రోసారి క‌లిసి ప‌ని చేస్తుండ‌డం ఆస‌క్తిక‌రం. ఏక్తా కపూర్ నిర్మించిన `కెటినా` లో కూడా దిశా కనిపిస్తుంది. ఈ చిత్రంలో అక్షయ్ ఒబెరాయ్ - సన్నీ సింగ్ ఇత‌ర తారాగ‌ణంగా న‌టించారు. అక్ష‌య్.. ప్రియాంక చోప్రా.. అనుష్‌క శ‌ర్మ ఆర్మీ నేప‌థ్యం ఉన్న కుటుంబం నుంచి వ‌చ్చిన‌ స్టార్లు అన్న సంగ‌తి తెలిసిన‌దే.