ద‌గ్గుబాటి హీరోలు ముంబైకి షిఫ్ట్ అయిపోతున్నారా?

ద‌గ్గుబాటి హీరోలు విక్ట‌రీ వెంక‌టేష్ ప్ర‌స్తుతం `ఎఫ్ 3` చిత్రంలో న‌టిస్తున్న విష‌యం తెలిసిందే. ఈ మూవీ చిత్రీక‌ర‌ణ పూర్త‌యి రిలీజ్ కి రెడీ అయిపోయింది. ఇక రానా కూడా త‌ను న‌టించిన `విరాట‌ప‌ర్వం`ని పూర్తి చేసి రిలీజ్ కి రెడీ చేశారు. వీరిద్ద‌రూ క‌లిసి త్వ‌ర‌లో వెబ్‌సిరీస్ చేయ‌బోతున్నారు. `రానా నాయుడు` పేరుతో రూపొంద‌నున్న ఈ వెబ్ సిరీస్ లో వెంక‌టేష్ తండ్రిగా , రానా కొడుకుగా క‌నిపించ‌బోతున్నారు. అంతే కాకుండా ఈ వెబ్ సిరీస్ లో సాల్ట్ అండ్ పెప్ప‌ర్ లుక్ లో వెంక‌టేష్ గ‌త చిత్రాల‌కు పూర్తి భిన్న‌మైన పాత్ర‌లో క‌నిపించ‌బోతున్నారు.

నెట్ ఫ్లిక్స్ కోసం చేస్తున్న ఈ వెబ్ సిరీస్ గ‌త కొన్ని నెల‌ల క్రిత‌మే ముంబైలో ప్రారంభ‌మైంది. `రే డొనావ‌న్‌` క్రైమ్ థ్రిల్ల‌ర్ ఆధారంగా ఈ సిరీస్‌ని రూపొందిస్తున్నారు. క‌ర‌ణ్ అన్షుమ‌న్‌, సుప‌ర్ణ్‌వ‌ర్మ సంయుక్తంగా ఈ వెబ్ సిరీస్ ని తెర‌కెక్కిస్తున్నారు. శ‌ర‌వేగంగా జ‌రుగుతున్న ఈ సిరీస్ షూటింగ్ కోసం విక్ట‌రీ వెంక‌టేష్, రానా ముంబైలో హ‌ల్ చ‌ల్ చేస్తున్నారు. వెంక‌టేష్‌, రానా, మిహీకా బ‌జాజ్ వేరు వేరుగా ముంబైలో క‌నిపించారు. ఆ ఫొటోలు ప్ర‌స్తుతం నెట్టింట సంద‌డి చేస్తున్నాయి.

దీంతో ద‌గ్గుబాటి హీరోలు హైద‌రాబ‌ద‌ద్ వీడి త‌మ మ‌కాంని ముంబైకి మార్చేస్తున్నారా? అని అంతా చ‌ర్చించుకుంటున్నారు. విక్ట‌రీ వెంక‌టేష్ న‌టిస్తున్న తొలి వెబ్‌సిరీస్ కావ‌డంతో దీనిపై భారీ అంచ‌నాలున్నాయి. వెబ్ సిరీస్ ల‌కు భారీ క్రేజ్ వున్న నేప‌థ్యంలో తొలి సారి వెంక‌టేష్ - రానా క‌లిసి చేస్తున్న `రానా నాయుడు` కోసం ప్ర‌ముఖ ఓటీటీ దిగ్గ‌జం నెట్ ఫ్లిక్స్ భారీగా ఖ‌ర్చు చేస్తున్న‌ట్టుగా టాలీవుడ్ వ‌ర్గాలు చెబుతున్నాయి.

ఇదిలా వుంటే బ్లాక్ బ‌స్ట‌ర్ హిట్ మూవీ `ఎఫ్ 2`కి కొన‌సాగింపుగా తెర‌కెక్కుతున్న `ఎఫ్ 3`లో విక్ట‌రీ వెంక‌టేష్ న‌టిస్తున్న విష‌యం తెలిసిందే. తాజాగా ఈ మూవీ చిత్రీక‌ర‌ణ పూర్త‌యింది.  ఈ స‌మ్మ‌ర్ లో ఏప్రిల్ 28న థియేట‌ర్ల‌లోకి ఈ చిత్రాన్ని తీసుకురాబోతున్నారు.