హాస్యనటుడిగా తనకంటూ ప్రత్యేక గుర్తింపు తెచ్చుకున్న సప్తగిరి హీరోగా నటిస్తున్న తాజా చిత్రం ''ఎయిట్''. రిజ్వాన్ ఎంట‌ర్‌టైన్‌మెంట్ బ్యాన‌ర్‌ పై ప్రొడక్షన్ నెం.4 గా వస్తున్న ఈ చిత్రాన్ని రిజ్వాన్ నిర్మిస్తున్నాడు. ఇల్యూజ‌న్ థ్రిల్లర్‌ గా రూపొందనున్న ఈ చిత్రానికి సూర్యాస్ దర్శకత్వం వహించనున్నారు. యూనివ‌ర్సల్ అప్పీల్ ఉన్న స్టోరీ కావడంతో ఈ చిత్రాన్ని తెలుగుతో పాటు తమిళం, కన్నడ, హిందీ భాషల్లో రూపొందిస్తున్నారు. డిఫరెంట్ కాన్సెప్ట్ తో విడుదలైన టైటిల్ పోస్టర్ సినిమాపై ఆసక్తిని కలిగించింది. ఈ క్రమంలో నూతన సంవత్సరాన్ని పురస్కరించుకుని తాజాగా 'ఎయిట్' చిత్రానికి సంబంధించిన ఫస్ట్ లుక్ పోస్టర్ ని విడుదల చేశారు.
ఫస్ట్ లుక్ పోస్టర్ చూస్తుంటే సప్తగిరి ఇంతకముందు చేయని పాత్రలో కనిపిస్తున్నాడని తెలుస్తోంది. అగ్ని జ్వాలలో చేతికి రక్తం కారుతున్నా ఆ రక్తం చేతితోనే సిగరెట్ నోట్లో పెట్టుకుంటూ చాలా సీరియస్ లుక్ లో సప్తగిరి కనిపిస్తున్నారు. ఈ చిత్రానికి ఎన్‌.ఎస్. ప్రసు సంగీతం స‌మ‌కూరుస్తున్నారు. న‌జీర్ సినిమాటోగ్రాఫ‌ర్‌ గా వ్యవహరిస్తుండగా.. వంశీ ఎడిట‌ర్‌ గా వర్క్ చేస్తున్నారు. ఈ చిత్రంలో నటించే ఇతర తారాగ‌ణం, సాంకేతిక నిపుణుల వివ‌రాల‌ను త్వర‌లో వెల్లడించ‌నున్నారు. స‌ప్తగిరికి ఉన్న ఇమేజ్‌ ను దృష్టిలో పెట్టుకొని ఈ చిత్రంలో కామెడీని కూడా జోడిస్తున్నట్లు తెలుస్తోంది. 'ఎయిట్' చిత్ర రెగ్యులర్ షూటింగ్ ఈ నెలలోనే ప్రారంభం కానుంది.
ఫస్ట్ లుక్ పోస్టర్ చూస్తుంటే సప్తగిరి ఇంతకముందు చేయని పాత్రలో కనిపిస్తున్నాడని తెలుస్తోంది. అగ్ని జ్వాలలో చేతికి రక్తం కారుతున్నా ఆ రక్తం చేతితోనే సిగరెట్ నోట్లో పెట్టుకుంటూ చాలా సీరియస్ లుక్ లో సప్తగిరి కనిపిస్తున్నారు. ఈ చిత్రానికి ఎన్‌.ఎస్. ప్రసు సంగీతం స‌మ‌కూరుస్తున్నారు. న‌జీర్ సినిమాటోగ్రాఫ‌ర్‌ గా వ్యవహరిస్తుండగా.. వంశీ ఎడిట‌ర్‌ గా వర్క్ చేస్తున్నారు. ఈ చిత్రంలో నటించే ఇతర తారాగ‌ణం, సాంకేతిక నిపుణుల వివ‌రాల‌ను త్వర‌లో వెల్లడించ‌నున్నారు. స‌ప్తగిరికి ఉన్న ఇమేజ్‌ ను దృష్టిలో పెట్టుకొని ఈ చిత్రంలో కామెడీని కూడా జోడిస్తున్నట్లు తెలుస్తోంది. 'ఎయిట్' చిత్ర రెగ్యులర్ షూటింగ్ ఈ నెలలోనే ప్రారంభం కానుంది.