పెళ్లి పీటలెక్కిన 'ఫెయిర్ అండ్ లవ్లీ' బ్యూటీ.. దర్శకుడితో సడన్ సర్ప్రైజ్!

లాక్డౌన్ సమయంలో కొందరు హీరోయిన్స్ తదుపరి సినిమాల విషయంలో జాగ్రత్తలు పడుతూ ప్రిపేర్ అవుతున్నారు. కానీ మరికొందరు బ్యాచిలర్ బ్యూటీస్ మాత్రం ఇదే ఛాన్స్ అంటూ పెళ్లి పీటలు ఎక్కుతున్నారు. ఆ లిస్టులో తాజాగా మరో బ్యూటీ చేరి అందరిని సర్ప్రైజ్ చేసింది. ఆమె ఎవరో కాదు.. ఫెయిర్ అండ్ లవ్లీ ఫేమ్ యామీగౌతమ్. ఈ భామ పేరు సౌత్ సినీ ప్రేక్షకులకు పెద్దగా పరిచయం అక్కర్లేదు. ఎందుకంటే సినిమా హీరోయినుగా కాకపోయినా "ఫెయిర్ అండ్ లవ్లీ" బ్యూటీగా మాత్రం అందరికి సుపరిచితమే. ఈరోజు అతి తక్కువమంది ఫ్రెండ్స్ - కుటుంబ సభ్యులు - సన్నిహితుల సమక్షంలో యామీ.. కోవిడ్ నిబంధనలు పాటిస్తూ బాలీవుడ్ యంగ్ డైరెక్టర్ ఆదిత్యధర్ ను వివాహం చేసుకుంది.

ఆదిత్య బాలీవుడ్ ఇండస్ట్రీకి 'ఉరి' అనే సినిమాతో పరిచయం అయ్యాడు. ఫస్ట్ మూవీతోనే ఆదిత్య ఇండస్ట్రీ పరంగా అందరిని ఇంప్రెస్స్ చేసాడు. అయితే ఆ సినిమాలో హీరోయిన్ యామిగౌతమ్ కూడా ఓ కీలక రోల్ ప్లే చేసింది. ఆ సినిమా టైంలోనే వీరిద్దరూ స్నేహితులుగా మారి తరువాత ఇద్దరి మధ్య ప్రేమ చిగురించి.. ఇప్పుడు ఏకంగా పెళ్లి చేసేసుకున్నారు. తన పెళ్లి విషయాన్నీ యామి గౌతమ్ స్వయంగా సోషల్ మీడియాలో ఫోటో పెట్టి పోస్ట్ చేసింది. అలాగే కోవిడ్ నిబంధనల మేరకు తాము కేవలం ఫ్యామిలీ - సన్నిహితుల సమక్షంలో మాత్రమే ఎలాంటి ఆర్భాటం లేకుండా పెళ్లి చేసుకొని మూడు ముళ్ల బంధంలో అడుగుపెట్టాము. మీరందరి బ్లెస్సింగ్స్ కావాలంటూ పోస్ట్ చేసింది. ప్రస్తుతం ఈ సడన్ సర్ప్రైజ్ తో బాలీవుడ్ తో టోటల్ దేశవ్యాప్తంగా యామి ఫ్యాన్స్ షాక్ అయ్యారు.

అయితే మొత్తానికి డైరెక్టర్ ఆదిత్యతో యామిగౌతమ్ జంట చూడచక్కగా ఉందంటూ విష్ చేస్తున్నారు. అలాగే ఇండస్ట్రీకి చెందిన సెలబ్రిటీలు ఈ జంటకు శుభాకాంక్షలు తెలుపుతున్నారు. ఇటీవలే హీరోయిన్ ప్రణీత కూడా ఈ విధంగానే సర్ప్రైజ్ చేసింది. అయితే మొత్తానికి ఫేవరేట్ హీరోయిన్స్ పెళ్లి చేసుకోవడం అనేది అభిమానులు కూడా ఆనందించే విషయమే. ప్రస్తుతం ఈ క్యూట్ కపుల్ మ్యారేజ్ ఫోటోలు సోషల్ మీడియాలో హల్చల్ చేస్తున్నాయి. ప్రస్తుతం యామి భూత్ పోలీస్ - థర్స్ డే అనే సినిమాల్లో నటిస్తుంది. అయితే ప్రస్తుతం డైరెక్టర్ ఆదిత్యధర్ విక్కీకౌశల్ హీరోగా 'ఇమ్మోర్టల్ అశ్వథామ' అనే సినిమా రూపొందిస్తున్నాడు. ఆదిత్య డెబ్యూ మూవీ 'ఉరి'కి బెస్ట్ డైరెక్టర్ గా నేషనల్ అవార్డు అందుకున్నాడు.