టీజ‌ర్ టాక్: జోరున గాలి వాన‌.. ఇంత‌లోనే ఏమైందంటే..!

జోరున గాలి.. ఇంత‌లోనే చిట‌పట చినుకులు.. ఇంత‌లోనే గాలివాన‌లో ఏం జ‌రిగింది?  ఏం జ‌రిగిందో తెలియాలంటే గాలివాన సిరీస్ చూడాల్సిందే. మ‌ర్డ‌ర్ మిస్ట‌రీ థ్రిల్స్ ఇలా అన్ని కోణాల్లోనూ తాజాగా రిలీజ్ చేసిన టీజ‌ర్ ర‌క్తి క‌ట్టించింది. ఓటీటీ సిరీస్ ల‌లో థ్రిల్ల‌ర్ల‌కు ఉన్న గ‌మ్మ‌త్త‌యిన ఫ్లేవ‌ర్ ని ఈ సిరీస్ అందిస్తుంద‌న్న భ‌రోసా టీజ‌ర్ లో క‌నిపిస్తోంది. ముఖ్యంగా థ్రిల్ల‌ర్ కాన్సెప్టుల‌కు అవ‌స‌ర‌మైన రీరికార్డింగ్ ని తీసుకోవ‌డంలో ద‌ర్శ‌కుని సెన్సిబిలిటీ ఆక‌ట్టుకుంటోంది.

ZEE5 లో ఈ తెలుగు వెబ్ సిరీస్ స్ట్రీమింగ్ కానుంది. తాజాగా అధికారిక టీజర్ ను విడుదల చేసారు. తిమ్మరుసు ఫేమ్ శరణ్ కొప్పిశెట్టి దర్శకత్వం వ‌హించిన సిరీస్ ఇది. ప్రముఖ నటుడు అడివి శేష్  టీజర్ ను విడుదల చేశారు. టీజర్ ఆద్యంతం ఆసక్తికరం. విజువ‌ల్ ను బట్టి చూస్తే.. యువ జంటను చంపిన హంతకుల కోసం ఓ కుటుంబం వెతికే ప్ర‌య‌త్నంలో ఉంద‌ని అర్థ‌మ‌వుతోంది.

 టీజర్ లో కథాంశం .. పాత్రల గురించి పెద్దగా సమాచారం లేదు. కాబట్టి క్రైమ్ సిరీస్ లో ఏం ఉందో తెలుసుకోవాలంటే మనం మరికొన్ని రోజులు ఆగాల్సిందే. గాలివానలో రాధికా శరత్ కుమార్- సాయి కుమార్ లాంటి సీనియ‌ర్ స్టార్లు ఉన్నారు. చాందిని చౌదరి- చైతన్య కృష్ణ- తాగుబోతు రమేష్- నందిని రాయ్ తదితరులు ముఖ్య పాత్రలు పోషిస్తున్నారు. ఈ థ్రిల్లర్ కు శ్రీచరణ్ పాకాల సంగీతం అందించారు.

సిరీస్ ఆద్యంతం ఇంతే గ్రిప్పింగ్ గా సీట్ ఎడ్జ్ పై కూచోబెట్టేంత నేర్పు ను ప్ర‌ద‌ర్శిస్తే సిరీస్ హిట్ట‌యిన‌ట్టే. వెబ్ సిరీస్ ల వెల్లువ‌లో పోటీ ప్ర‌పంచంలో యూనిక్ కంటెంట్ తో మెప్పించాల్సి ఉంటుంది. గాలివాన ఈ కోవ‌కే చెందుతుంద‌ని భావిద్దాం. BBC స్టూడియోస్ - నార్త్ స్టార్ ఎంటర్ టైన్ మెంట్ సంయుక్తంగా నిర్మించిన ఈ ఒరిజినల్ సిరీస్ కి సుజాత సిద్ధార్థ్ సినిమాటోగ్రఫీ అందించారు.