జెన్నీ వచ్చేసింది.. ఫోర్స్ చూపిస్తుందా?

టాలీవుడ్ లో టాప్ స్టేటస్ ఎంజాయ్ చేసిన బ్యూటీ జెనీలియా.. కెరీర్ పీక్ స్టేజ్ లో ఉండగానే పెళ్లి చేసుకుని సినిమాలు ఆపేసింది. ఇద్దరు బిడ్డలకు జన్మనిచ్చిన తర్వాత.. మళ్లీ ఇప్పుడు మూవీస్ పై మోజు పడుతున్న ఈ సుందరి.. టాలీవుడ్ కి కబురు పంపింది కానీ ఆఫర్ రాలేదు. అయితే.. ఓ హిందీ సినిమా నుంచి మాత్రం అమ్మడు కోరుకున్న రేంజ్ ఆఫర్ తలుపు తట్టింది.

జాన్ అబ్రహాం మూవీ ఫోర్స్2 షూటింగ్ జరుపుకుంటున్న సంగతి తెలిసిందే. ఈ మూవీ తొలిభాగంలో జాన్ కి జంటగా జెన్నీనే హీరోయిన్. కానీ ఇప్పుడు రెండో భాగంలో సోనాక్షి సిన్హాను హీరోయిన్ గా తీసుకున్నారు. అయితే.. ఇప్పుడు జెన్నీ కోసం ఓ గెస్ట్ రోల్ ఆఫర్ చేశారట. మొదటి భాగంలో జాన్ అబ్రహాం-జెనీలియాల రొమాన్స్ కు మంచి క్రేజ్ రావడంతో.. ఇప్పుడు కూడా కంటిన్యూ చేస్తున్నారట.

జెనీలియాను ఫోర్స్2 క్యాస్టింగ్ లోకి తీసుకున్న విషయాన్ని ధృవీకరించింద యూనిట్. ఆమె చేసేది కేవలం కేమియో అయినా.. ఈ కేరక్టర్ చాలా ఇంట్రెస్టింగ్ గా ఉంటుందని.. స్క్రిప్ట్ లో భాగంగా వచ్చే ఈ పాత్ర.. సినిమాను మలుపు తిప్పుతుందని తెలుస్తోంది. ఇక రీఎంట్రీ క్రేజీ ప్రాజెక్టులో వచ్చింది కాబట్టి.. జెన్నీకి కంగ్రాట్స్ చెప్పేద్దాం.



Like Us on Facebook : https://www.facebook.com/Tupakidotcom/