ఆ మధ్య నాగార్జున సినిమా ‘ఢమరుకం’ వాయిదాల మీద వాయిదాలు పడి అభిమానులకు విసుగు పుట్టించింది. మళ్లీ ఇప్పుడు దాన్ని మించి చిరాకు పుట్టించింది ‘రుద్రమదేవి’. ఇది హీరోయిన్ ఓరియెంటెడ్ మూవీ అయినా.. గుణశేఖర్ ట్రాక్ రికార్డు చాలా దారుణంగా ఉన్నా.. ఏదో మంచి ప్రయత్నం చేస్తున్నాడు చూద్దాంలే అని జనాలు బాగానే ఆసక్తి చూపించారు. కానీ సినిమానే విడుదల కావట్లేదు. గత ఆరు నెలల్లో ఈ సినిమా ఎన్నిసార్లు వాయిదా పడిందో లెక్కలేదు.
జూన్ 26, సెప్టెంబరు 4 డేట్లు దాటిపోయాయి. అక్టోబరు 9న ఖాయం అనుకుంటుంటే అంతలోనే మళ్లీ వాయిదా వార్తలు వినిపించే సరికి జనాల ఆగ్రహం మామూలుగా లేదు. ఈ ఆగ్రహం ట్విట్టర్ లో గుణశేఖర్ అండ్ టీంకి బాగానే తాకినట్లుంది. వాయిదా సంగతి పక్కనబెట్టేసి ఏమైతే అయ్యిందని అక్టోబరు 9నే సినిమాను విడుదల చేయడానికి రెడీ అయిపోతున్నాడు. మొన్న ‘25 డేస్ టు గో’ అని పోస్టర్ రిలీజ్ చేయగానే సినిమా అక్టోబరు 9న ఖాయమని తేలిపోయింది.
ఐతే అక్టోబరు 9న ‘రుద్రమదేవి’ని రిలీజ్ చేయడమంటే గుణ చాలా పెద్ద రిస్క్ తీసుకుంటున్నట్లే. దాని వారం ముందే అనుష్క సినిమా ‘సైజ్ జీరో’ వస్తోంది. ఈ నేపథ్యంలో తర్వాతి వారం ‘రుద్రమదేవి’ రిలీజ్ చేయడం అనుష్కకు ఏమాత్రం ఇష్టం లేదు. మరోవైపు ‘రుద్రమదేవి’ వచ్చిన తర్వాతి రెండు వారాల్లో బ్రూస్ లీ, అఖిల్ లాంటి భారీ సినిమాలు లైన్ లో ఉన్నాయి. ‘రుద్రమదేవి’ టాక్ ఏమాత్రం తేడా ఉన్నా రెండో వారం అడ్రస్ గల్లంతయిపోతుంది. ఐతే ఇప్పటికే వాయిదాల మీద వాయిదాలు వేస్తున్నాడని జనాలు విపరీతమైన అసహనంతో ఉండటం చూసి.. ఇంకోసారి డేటు మార్చడానికి మనస్కరించడం లేదు. మొత్తానికి అతడి పరిస్థితి కక్కలేక మింగలేక అన్నట్లే ఉంది.
జూన్ 26, సెప్టెంబరు 4 డేట్లు దాటిపోయాయి. అక్టోబరు 9న ఖాయం అనుకుంటుంటే అంతలోనే మళ్లీ వాయిదా వార్తలు వినిపించే సరికి జనాల ఆగ్రహం మామూలుగా లేదు. ఈ ఆగ్రహం ట్విట్టర్ లో గుణశేఖర్ అండ్ టీంకి బాగానే తాకినట్లుంది. వాయిదా సంగతి పక్కనబెట్టేసి ఏమైతే అయ్యిందని అక్టోబరు 9నే సినిమాను విడుదల చేయడానికి రెడీ అయిపోతున్నాడు. మొన్న ‘25 డేస్ టు గో’ అని పోస్టర్ రిలీజ్ చేయగానే సినిమా అక్టోబరు 9న ఖాయమని తేలిపోయింది.
ఐతే అక్టోబరు 9న ‘రుద్రమదేవి’ని రిలీజ్ చేయడమంటే గుణ చాలా పెద్ద రిస్క్ తీసుకుంటున్నట్లే. దాని వారం ముందే అనుష్క సినిమా ‘సైజ్ జీరో’ వస్తోంది. ఈ నేపథ్యంలో తర్వాతి వారం ‘రుద్రమదేవి’ రిలీజ్ చేయడం అనుష్కకు ఏమాత్రం ఇష్టం లేదు. మరోవైపు ‘రుద్రమదేవి’ వచ్చిన తర్వాతి రెండు వారాల్లో బ్రూస్ లీ, అఖిల్ లాంటి భారీ సినిమాలు లైన్ లో ఉన్నాయి. ‘రుద్రమదేవి’ టాక్ ఏమాత్రం తేడా ఉన్నా రెండో వారం అడ్రస్ గల్లంతయిపోతుంది. ఐతే ఇప్పటికే వాయిదాల మీద వాయిదాలు వేస్తున్నాడని జనాలు విపరీతమైన అసహనంతో ఉండటం చూసి.. ఇంకోసారి డేటు మార్చడానికి మనస్కరించడం లేదు. మొత్తానికి అతడి పరిస్థితి కక్కలేక మింగలేక అన్నట్లే ఉంది.