భారీ సెట్ల డైరెక్టర్ మరో రుద్రమదేవి తీయట్లేదుగా..!!

టాలీవుడ్ ఇండస్ట్రీలో ఒకప్పుడు స్టార్ డైరెక్టర్ గా వెలుగు వెలిగిన గుణశేఖర్.. గత కొన్నేళ్లుగా వరుస పరాజయాలను ఎదుర్కొంటున్నాడు. ఒక్కో సినిమాకి భారీ గ్యాప్ తీసుకుంటూ.. చాలా రీసెర్చ్ చేసి సినిమాలు తెరకెక్కిస్తున్నాడు కానీ ఒక్కటి కూడా బాక్సాఫీస్ వద్ద వర్కౌట్ కావడం లేదు. గుణశేఖర్ సినిమా అంటే హీరోలంతా ఆయనతో సినిమా చేయడానికి ఉత్సాహం చూపేవారు. ఇప్పుడు ఆ పరిస్థితి కనిపించడం లేదు. అయితే కష్టపడి సొంత నిర్మాణంలో దర్శకత్వం వహించి రూపొందించిన రుద్రమదేవి బాక్సాఫీస్ దగ్గర అంచనాలను చేరుకోలేక పోయింది. ఆ సినిమా కలెక్షన్స్ కూడా రాబట్టలేదని టాక్. ఇదిలా ఉండగా గుణశేఖర్ గత కొంతకాలంగా వరుస చారిత్రాత్మక సినిమాలు తెరకెక్కించే ఆలోచనలో ఉన్నాడు. అందుకు తగ్గ స్క్రిప్ట్ చర్చలు కూడా నడుస్తున్నాయట.

అయితే తాజాగా శకుంతల అనే లేడీ ఓరియెంటెడ్ సబ్జెక్టు ఎంచుకున్నట్లు సమాచారం. ఇది కూడా ఒక మైతోలజీ స్టోరీనే కావడం విశేషం. అయితే గుణశేఖర్ ఏది చేసిన భారీ లెవెల్ లోనే చేస్తుంటాడు. ఆయన ప్రతి సినిమాలో ఒక భారీ సెట్ ఖచ్చితంగా వేయిస్తాడు. ఇప్పుడున్న కుర్ర హీరోలంతా ఒకప్పుడు గుణశేఖర్ తో సినిమాలు చేయాలనీ ఆరాటపడ్డవారే. అయితే రుద్రమదేవి సినిమాతో ఆ ఆశలన్నీ గల్లంతయ్యాయట. రుద్రమదేవి గుణశేఖర్ ను దాదాపు పెవిలియన్ కు చేర్చిందని చెప్పవచ్చు. అయితే తాజాగా పలువురు ఫైనాన్సియర్ల సహాయంతో మళ్లీ శకుంతల సినిమా ప్రారంభించాడట. అయితే ఈ సినిమా విషయంలో మాత్రం ఎలాంటి తప్పులు జరగకుండా జాగ్రత్త పడుతున్నాడని ఇండస్ట్రీ టాక్. ఇక ఈ సినిమాను కూడా మరో రుద్రమదేవి చేయడు కదా.. అంటూ సినీ వర్గాలలో కామెంట్స్ వినిపిస్తున్నాయి. చూడాలి మరి గుణశేఖర్ ఎలాంటి ప్రణాళిక రెడీ చేసాడో..!!