మళ్లీ సేమ్ సినిమా చూపిస్తున్నాడా??

మ్యూజిక్ డైరెక్టర్ నుంచి హీరోగా టర్నింగ్ ఇచ్చుకున్నాడు జీవీ ప్రకాష్. సంగీత దర్శకుడిగా మంచి పేరున్న జీవీ హీరోగా మాత్రం అడల్ట్ కామెడీస్.. పర్సనాల్టీకి మ్యాచ్ కానీ బిల్డప్ మూవీస్ చేస్తున్నాడనే బ్యాడ్ నేమ్ తెచ్చుకున్నాడు. అందుకే ఈ సారి తన మీద తనే సటైర్ వేసుకున్నట్టున్నాడు. బ్రూస్ లీ అంటూ కామెడీ మూవీతో ఆకట్టుకొడానికి ట్రై చేస్తున్నాడు. ఇక ఈ సినిమా ట్రైలర్ ని హీరో శింబు రిలీజ్ చేశాడు.

ఫైటింగ్ లు చేసేయాలనే కోరిక ఉన్న బ్రూస్ లీ అనే యువకుడిగా కనిపిస్తున్నాడు జీవీ. ట్రైలర్ ఓపెనింగ్ లో దేశీ హీరో అని పెద్ద బిల్డప్ ఇచ్చి.. నీ పేరేంటిరా అని అడగ్గానే బ్రూస్ లీ అని అమాయకంగా కీచుగొంతుతో చెప్పడం.. హాలీవుడ్ విలన్ అంటూ లోకల్ రౌడీకి హాలీవుడ్ రేంజ్ బిల్డప్ ఇవ్వడం డార్క్ నైట్ లో జోకర్ కేరెక్టర్ లో కనిపించడం కామెడీ పండించిందనే చెప్పాలి. ట్రైలర్ మొత్తం వన్ లైనర్ డైలాగ్స్.. కౌంటర్స్ తో ఎంటర్టైనింగ్ గానే ఉంది.

హీరోయిన్ కృతి కర్బందా అందాలు బానే ఆరబోసింది. మొట్టు రాజేంద్రన్ కామెడీ మూవీకి బ్యాక్ బోన్ లా కనిపిస్తోంది. ఇక ఎప్పట్లాగే హీరో విజయ్ తో పాటు ఈ సారి సూపర్ స్టార్ రజనీకాంత్ రిఫరెన్స్ లు కూడా బానే వాడేసుకున్నాడు జీవీ. టోటల్ గా కాస్తా కామెడీ.. ఇంకాస్త గ్లామర్ షో దట్టించి తన పాత సినిమాల ఫ్లేవరే గుర్తుకుతెచ్చాడు. ఇన్నాళ్లూ పోటీ లేని సమయంలో వచ్చాడు కాబట్టి జీవీపీ డబుల్ మీనింగ్ సినిమాలు బాక్సాఫీస్ దగ్గర నెట్టుకొచ్చేశాయ్. మరి ఈ సారి పొంగల్ రేస్ లోకి దిగుతున్నాడు. విజయ్ లాంటి బడా హీరోతో పాటు కనీసం ఇంకో ఐదారు సినిమాలున్నాయ్. మరి వీటి మధ్యలో జీవీ ఎంత విజయం సాధిస్తాడో చూడాలి.
Full View


Like Us on Facebook : https://www.facebook.com/Tupakidotcom/