యువ‌హీరో పై క‌న్నేసింది!

వ‌రుస‌గా అగ్ర‌క‌థానాయ‌కుల స‌ర‌స‌న న‌టిస్తూ వేడి పెంచుతున్న కియ‌రా అద్వాణీ లైన‌ప్ చూస్తుంటే మ‌తి చెడాల్సిందే. ఈ బ్యూటీ టాలీవుడ్ టాప్ హీరోల స‌ర‌స‌న మాత్ర‌మే న‌టిస్తోంది. ఆరంభ‌మే మ‌హేష్ లాంటి స్టార్ హీరో స‌ర‌స‌న న‌టించిన కియ‌రా, ఆ వెంట‌నే రామ్ చ‌ర‌ణ్ స‌ర‌స‌న అవ‌కాశం అందుకుంది. చ‌ర‌ణ్ స‌ర‌స‌న న‌టించిన విన‌య విధేయ రామ ఈ సంక్రాంతి కానుక‌గా రిలీజ‌వుతోంది.

చెర్రీ సినిమా సెట్స్ లో ఉండ‌గానే బ‌న్ని స‌ర‌స‌న కియ‌రా ప్రాజెక్టు క‌న్ఫామ్ అయ్యింది. గ‌త కొంత‌కాలంగా కియ‌రా టాలీవుడ్ స్టైలిష్ స్టార్ అల్లు అర్జున్ స‌ర‌స‌న న‌టిస్తోంది అంటూ ప్ర‌చారం సాగుతోంది. అయితే ఈ సినిమాలో న‌టిస్తున్నారా?  లేదా? అన్న ప్ర‌శ్న‌కు నేడు హైద‌రాబాద్ లో జ‌రిగిన ఓ ఇంట‌ర్వ్యూలో కియ‌రా ఆన్స‌ర్ చేసింది. ``అది ఇంకా టాప్ సీక్రెట్. ఇప్పుడే చెప్ప‌లేను. ద‌ర్శ‌క నిర్మాత‌లు చెబితేనే బావుంటుంది`` అని లీకులిచ్చింది. అంటే త్రివిక్ర‌మ్ కానీ రాధాకృష్ణ కానీ స్వ‌యంగా రివీల్ చేయాల‌న్న‌ది కియ‌రా ఉద్ధేశం. ప్ర‌స్తుతం ఈ ప్రాజెక్టులో న‌టిస్తుందా.. లేదా? అన్న‌ది ఇంకా చ‌ర్చ‌ల ద‌శ‌లోనే ఉంద‌ని అర్థ‌మవుతోంది.

ఇక టాలీవుడ్ లో హీరోల్లో కియ‌రా త‌న ఫేవ‌రెట్ యువ‌హీరో పేరును రివీల్ చేసింది. అర్జున్ రెడ్డి సినిమా చూశాక విజ‌య్ దేవ‌ర‌కొండ‌కు వీరాభిమానిగా మారిపోయిందిట కియ‌రా. విజ‌య్ ఇంటెన్సిటీ.. పెర్ఫామెన్స్ అంటే నాకు చాలా ఇష్టం. అర్జున్ రెడ్డి చూశాక వీరాభిమాని అయిపోయాను అని స‌మాధాన‌మిచ్చింది. ఇక హిందీ అర్జున్ రెడ్డిలో షాహిద్ స‌ర‌స‌న ఈ భామ న‌టిస్తున్న సంగ‌తి తెలిసిందే. అంటే త‌దుప‌రి దేవ‌ర‌కొండ ఆఫ‌ర్ చేస్తే త‌న స‌ర‌స‌న న‌టిస్తుంద‌నే హింట్ ఇచ్చేసిన‌ట్టేన‌న్న‌మాట‌.