నేను సరే.. దిల్ రాజు సంగతేంటి?

కొత్త టాలెంట్ కి సపోర్ట్ చేసే హీరోల్లో ముందుంటాడు హీరో నాని. తన మూవీస్ కి సంబంధించిన ఈవెంట్స్ లోనే కాదు.. కంటెంట్ ఉందంటే చిన్న సినిమాల్ని కూడా ప్రమోట్ చేస్తుంటాడు. అడిగితే కాదనకుండా ఆడియో రిలీజ్ లు.. ట్రైలర్స్ లాంఛ్ లాంటివి చేసిపెడతాడు. అందుకే స్మాల్ బడ్జెట్ మూవీస్ తీసే వాళ్లంతా తమ సినిమాకి మైలేజ్ కోసం నాని సాయం కోరుతుంటారు. ఇక దిల్ రాజు బ్యానర్లో నేను లోకల్ చేస్తోన్న నాని.. సేమ్ ప్రొడ్యూసర్ సమర్పిస్తోన్న నాన్న నేను నా బాయ్ ఫ్రెండ్స్ ఆడియో ఫంక్షన్లో సందడి చేశాడు.

డిసెంబర్లో నేను లోకల్ తో వచ్చి హిట్ కొడదామనుకున్నాం.. కానీ తన మూవీ వెనక్కి వెళ్లిందని.. నేను లోకల్ రాకపోయినా హిట్ మాత్రం గ్యారంటీ అని.. నాన్న నేను నా బాయ్ ఫ్రెండ్స్ మంచి విజయం సాధిస్తుందన్న నమ్మకముందన్నాడు. ఈవెంటంతా సందడి సందడిగా కనిపించిన నాని.. దిల్ రాజు మీద జోక్స్ కూడా వేశాడు. నేను ఎక్కువ సినిమాలు చేస్తున్నా అంటున్నారు... మరి కంటిన్యూగా ఫిల్మ్స్ ప్రొడ్యూస్ చేస్తోన్న దిల్ రాజుని ఏమనాలని.. దిల్ రాజు ఇప్పుడు మంచి ఫామ్ లో ఉన్న బ్యాట్స్ మెన్ లా ఉన్నారని ఓ వైపు నిర్మాతగా ఉంటూనే అది సరిపోదన్నట్టు మళ్లీ చిన్న సినిమాల్ని ప్రెజెంట్ కూడా చేస్తుంటాడంటూ సరదాగా వ్యాఖ్యానించాడు.

హీరోయిన్ హెబ్బా పటేల్ నుంచి ప్రొడ్యూసర్ బెక్కం వేణు గోపాల్ వరకు టోటల్ టీమ్ కి ఆల్ ద బెస్ట్ చెప్పిన నాని మరిన్ని చిన్న సినిమాలు రావాలని అప్పుడే కొత్త టాలెంట్ వచ్చి ఇండస్ట్రీని ముందుకు వెళుతుందన్నాడు. మరి హెబ్బా అండ్ బాయ్ ఫ్రెండ్స్ ఎలా ఉంటారో ఈ నెల 16న తేలిపోతుంది.