ఎనర్జీ హీరో నమ్మకం నిలబెట్టేదెవరో ?

కెరీర్లో మొదటిసారి ఊర నాటు మాస్ అవతారంలో రామ్ చేసిన ఇస్మార్ట్ శంకర్ ఇంకో పది రోజుల్లో విడుదల కాబోతోంది. చాలా కాలం తర్వాత తన మార్కు హీరోయిజం చూపించిన సినిమాగా దీని మీద అభిమానులు గట్టి నమ్మకమే పెట్టుకున్నారు. ట్రైలర్ మీద మిక్స్డ్ రెస్పాన్స్ ఉన్నప్పటికీ యూనిట్ మాత్రం చాలా ధీమాగా కనిపిస్తోంది. నిన్న ప్రీ రిలీజ్ ఈవెంట్ లో బయటపడింది కూడా. ఇదిలా ఉండగా ఇస్మార్ట్ శంకర్ హిట్ కావడం  రామ్ కు చాలా అవసరం.

గత ఏడాది హలో గురు ప్రేమ కోసమే ఆశించిన ఫలితాన్ని ఇవ్వలేకపోయింది. వసూళ్ల పరంగా జస్ట్ ఓకే అనిపించుకుంది కానీ రామ్ కోరుకున్న సక్సెస్ అయితే కాదు. అందుకే ఇస్మార్ట్ శంకర్ లో రిస్క్ చేసి మరీ పూరితో జట్టు కట్టాడు. దీని తర్వాత రామ్ తిరుమల కిషోర్ తో పెదనాన్న స్రవంతి రవికిశోర్ నిర్మాణంలో ఓ మూవీ చేయబోతున్నాడు ఈ దర్శకుడి కాంబినేషన్ లో రామ్ రెండు సినిమాలు చేశాడు.

మొదటిది నేను శైలజ కెరీర్ బెస్ట్ గా నిలవగా రెండోది ఉన్నది ఒకటే జిందగీ ఆశించిన ఫలితాన్ని అందుకోలేదు. ఇప్పుడీ మూడో సారి జరుగుతున్న కాంబినేషన్ కు మాత్రం డిఫరెంట్ లైన్ ఎంచుకున్నట్టు తెలిసింది. ఇందులో రామ్ డ్యూయల్ రోల్ చేయబోతున్నాడని టాక్. షూటింగ్ కూడా త్వరగా పూర్తి చేసేలా ప్లాన్ చేస్తున్నారట. ఇస్మార్ట్ శంకర్ హిట్ అయితే ఓకే. మార్కెట్ పరంగా హెల్ప్ అవుతుంది. లేదూ అనుకోనిది జరిగింది అంటే భారం మొత్తం తిరుమల కిషోర్ మూవీ మీద పడుతుంది. అసలే ఎనర్జిటిక్ హీరో. ఇలా డ్యూయల్ రోల్ లో డబుల్ ఎనర్జీ చూపిస్తే అంతకంటే ఫ్యాన్స్ కు అంతకంటే కావాల్సింది ఏముంటుంది